ನವದೆಹಲಿ: ಚೆನ್ನೈ ಸೂಪರ್ ಕಿಂಗ್ಸ್ (CSK) ವಿರುದ್ಧದ ಸೋಲಿನ ನಂತರ ಫ್ರಾಂಚೈಸಿಯ ಪ್ಲೇಆಫ್ ನಿರೀಕ್ಷೆಗಳು ಇದೀಗ ಸಂಕಷ್ಟಕ್ಕೆ ಸಿಲುಕಿದ್ದು, ಡೆಲ್ಲಿ ಕ್ಯಾಪಿಟಲ್ಸ್ (DC) ತಂಡದ ಮುಖ್ಯ ಕೋಚ್ ಹೇಮಾಂಗ್ ಬದನಿ, ಸ್ಪಿನ್ನರ್ ಕುಲದೀಪ್ ಯಾದವ್ ತಮ್ಮ ಅತ್ಯುತ್ತಮ ಫಾರ್ಮ್ ಅನ್ನು ಮತ್ತೆ ಕಂಡುಕೊಳ್ಳಬೇಕು ಎಂದು ಹೇಳಿದ್ದಾರೆ.
155ಕ್ಕಿಂತ ಕಡಿಮೆ ರನ್ ಗಳಿಸಿದ ಡಿಸಿ ತಂಡವು ಪವರ್ಪ್ಲೇನಲ್ಲಿ ಸ್ವಲ್ಪ ಒತ್ತಡ ಹೇರಲು ಸಾಧ್ಯವಾಯಿತು. ಆದರೆ, ಸಂಜು ಸ್ಯಾಮ್ಸನ್ ಕುಲದೀಪ್ ಯಾದವ್ ಅವರ ಮೂರು ಓವರ್ಗಳಲ್ಲಿ ಮೂರು ಸಿಕ್ಸರ್ಗಳನ್ನು ಸಿಡಿಸಿ, 34 ರನ್ಗಳಿಸಿದರು.
ಕುಲದೀಪ್ ಅವರನ್ನು ಬ್ರೇಕ್ಥ್ರೂಗಾಗಿ ಕರೆತರಲಾಯಿತು. ಆದರೆ, ಅದರ ಬದಲಿಗೆ ಅವರು ಎದುರಾಳಿ ತಂಡದ ಮೇಲಿನ ಒತ್ತಡವನ್ನು ಕಡಿಮೆ ಮಾಡಿದರು. ಕೊನೆಗೆ, ಸಿಎಸ್ಕೆ 17.3 ಓವರ್ಗಳಲ್ಲಿಯೇ ಗುರಿಯನ್ನು ತಲುಪಿತು.
ಕುಲದೀಪ್ ಅವರ ಒಟ್ಟಾರೆ ಐಪಿಎಲ್ ಎಕಾನಮಿ ದರ ಎಂಟರ ಆಸುಪಾಸಿನಲ್ಲಿದೆ. ಆದರೆ, ಈ ಆವೃತ್ತಿಯಲ್ಲಿ ಅದು 10 ರನ್ಗಳ ಗಡಿಯನ್ನು ದಾಟಿದೆ. ವಿಕೆಟ್ಗಳು ಕೂಡ ಸಿಕ್ಕಿಲ್ಲ. ಸ್ಪಿನ್ನರ್ 10 ಪಂದ್ಯಗಳಲ್ಲಿ ಕೇವಲ ಏಳು ವಿಕೆಟ್ಗಳನ್ನು ಮಾತ್ರ ಪಡೆದಿದ್ದಾರೆ.
'ಕುಲದೀಪ್ ಇದಕ್ಕಿಂತ ಉತ್ತಮವಾಗಿ ಆಡಬೇಕೆಂದು ನಾವು ಬಯಸುತ್ತೇವೆ. ಆದರೆ, ನಾವು ಅವರ ಪರವಾಗಿ ಒಟ್ಟಾಗಿ ನಿಲ್ಲುತ್ತೇವೆ. ಅವರು ಹಲವು ವರ್ಷಗಳಿಂದ ಈ ತಂಡದ ಭಾಗವಾಗಿದ್ದಾರೆ. ಅವರು ಹಲವು ವರ್ಷಗಳಿಂದ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಅವರು ಇದನ್ನು ತಿರುಗಿಸಬಲ್ಲರು' ಎಂದು ಬದಾನಿ ಹೇಳಿದರು.
ನಾಯಕ ಅಕ್ಷರ್ ಪಟೇಲ್ ಕೂಡ ಕುಲದೀಪ್ ಅವರನ್ನು ಉಲ್ಲೇಖಿಸಿ, 'ತನ್ನ ಸಂಗಾತಿಯನ್ನು ಮಿಸ್ ಮಾಡಿಕೊಂಡೆ' ಎಂದು ಹೇಳಿದರು. ಹಿಂದಿನ ಟಿ20 ವಿಶ್ವಕಪ್ನಲ್ಲಿ ಕುಲದೀಪ್ ಹೆಚ್ಚಿನ ಪಂದ್ಯಗಳಿಂದ ಹೊರಗುಳಿದಿದ್ದರು.
ಫಾರ್ಮ್ ಅಥವಾ ಲಯದೊಂದಿಗೆ ಅವರು ತೊಂದರೆ ಅನುಭವಿಸುತ್ತಿದ್ದಾರೆಯೇ ಎಂದು ಕೇಳಿದಾಗ ಬದಾನಿ, ಇದು ಯಾರೊಬ್ಬರ ಫಾರ್ಮ್ಗಿಂತ ಗಮನಾರ್ಹ ವಿಷಯವಾಗಿದೆ ಎಂದು ನಾನು ಭಾವಿಸುತ್ತೇನೆ. ಅವರಿನ್ನೂ ತಮ್ಮ ಅತ್ಯುನ್ನತ ಫಾರ್ಮ್ ಕಂಡುಕೊಂಡಿಲ್ಲ. ಅವರು ಸಾಮಾನ್ಯವಾಗಿ ಬೌಲಿಂಗ್ ಮಾಡುವ ವೇಗದಲ್ಲಿ ಬೌಲಿಂಗ್ ಮಾಡಿಲ್ಲ. ಮತ್ತು ಇದು ಸಮಯದ ಪ್ರಶ್ನೆ ಎಂದು ನಾನು ಭಾವಿಸುತ್ತೇನೆ. ನನ್ನ ಪ್ರಕಾರ, ನಾವು ಅವರ ಮೇಲೆ ನಂಬಿಕೆ ಇಟ್ಟಿದ್ದೇವೆ ಎಂದರು.
'ಮತ್ತು ಬೇರೆ ಯಾವುದಕ್ಕಿಂತ ಹೆಚ್ಚಾಗಿ, ಇದು ನಮಗೆ ಕಠಿಣ ಸಮಯ. ಇದು ಈಗ ನಮಗೆ ನಾಕೌಟ್ ಪಂದ್ಯಾವಳಿಯಂತಿದೆ. ನಾವು 4 ರಲ್ಲಿ 4 ಗೆಲ್ಲಬೇಕು. ಮತ್ತು 4 ರಲ್ಲಿ 4 ಗೆದ್ದರೆ, ಪ್ಲೇಆಫ್ಗೆ ಅರ್ಹತೆ ಪಡೆಯಲು ನಮಗೆ ಇನ್ನೂ ಅವಕಾಶವಿದೆ' ಎಂದು ಹೇಳಿದರು.