ಕೆಎಲ್ ರಾಹುಲ್ 
ಕ್ರಿಕೆಟ್

India vs New Zealand, 1st Test: 'DRS ತೆಗೆದುಕೊಳ್ಳದ್ದಕ್ಕೆ ಗ್ಲೆನ್ ಫಿಲಿಪ್ಸ್‌ಗೆ ಕೆಲವು ಪಾನೀಯಗಳನ್ನು ಖರೀದಿಸುತ್ತೇನೆ': ಕೆಎಲ್ ರಾಹುಲ್

ನ್ಯೂಜಿಲೆಂಡ್ ವಿರುದ್ಧ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದಲ್ಲಿ 136 ರನ್ ಗಳಿಸುವ ಮೂಲಕ ಕೆಎಲ್ ರಾಹುಲ್, ಅವರು ನ್ಯೂಜಿಲೆಂಡ್‌ನಲ್ಲಿ ಟೆಸ್ಟ್ ಶತಕ ಗಳಿಸಿದ ನಾಲ್ಕನೇ ಭಾರತೀಯ ಆರಂಭಿಕ ಆಟಗಾರರಾದರು.

ವೆಲ್ಲಿಂಗ್ಟನ್‌ನಲ್ಲಿ ನಡೆದ ಮೊದಲ ಟೆಸ್ಟ್ ಪಂದ್ಯದ 2ನೇ ದಿನದಂದು ನ್ಯೂಜಿಲೆಂಡ್ ಕ್ರಿಕೆಟಿಗ ಗ್ಲೆನ್ ಫಿಲಿಪ್ಸ್ ಡಿಆರ್‌ಎಸ್ ತೆಗೆದುಕೊಳ್ಳುವ ವಿಚಾರದಲ್ಲಿ ತಪ್ಪು ಮಾಡಿದ ನಂತರ ಭಾರತೀಯ ಕ್ರಿಕೆಟ್ ತಂಡದ ಬ್ಯಾಟ್ಸ್‌ಮನ್ ಕೆಎಲ್ ರಾಹುಲ್ ಅವರಿಗಾಗಿ ಕೆಲವು ಪಾನೀಯಗಳನ್ನು ಖರೀದಿಸುವುದಾಗಿ ತಮಾಷೆ ಮಾಡಿದರು. ರಾಹುಲ್ 5 ರನ್ ಗಳಿಸಿ ಬ್ಯಾಟಿಂಗ್ ಮಾಡುತ್ತಿದ್ದಾಗ ಫಿಲಿಪ್ಸ್ ಎಲ್‌ಬಿಡಬ್ಲ್ಯು ಅಪೀಲ್ ಮಾಡಿದರೂ ಕೂಡ ಡಿಆರ್‌ಎಸ್ ರಿವ್ಯೂ ತೆಗೆದುಕೊಳ್ಳಲಿಲ್ಲ. ಭಾರತದ ಅನುಭವಿ ಬ್ಯಾಟ್ಸ್‌ಮನ್ ಶತಕ ಬಾರಿಸಿ ದಾಖಲೆ ಬರೆದರು. ಭಾರತೀಯ ಇನಿಂಗ್ಸ್‌ನ 7ನೇ ಓವರ್‌ನಲ್ಲಿ ಮ್ಯಾಟ್ ಹೆನ್ರಿಯ ಎಸೆತ ರಾಹುಲ್‌ ಅವರ ಪ್ಯಾಡ್‌ಗೆ ಬಡಿಯಿತು. ಆಗ ಎಲ್ಲ ನ್ಯೂಜಿಲೆಂಡ್ ಫೀಲ್ಡರ್‌ಗಳು ಅಪೀಲ್ ಮಾಡಿದರು. ಅದು ಔಟ್ ಎಂದು ಹೆನ್ರಿ ಭಾವಿಸಿದರು ಆದರೆ ಅಂಪೈರ್ ರಾಹುಲ್ ಪರವಾಗಿ ತೀರ್ಪು ನೀಡಿದರು.

'ಇದು ಬ್ಯಾಟ್, ಬ್ಯಾಟ್‌ಗೆ ತಗುಲಿದೆ' ಎಂದು ಫಿಲಿಪ್ಸ್ ಹೇಳುತ್ತಿದ್ದರು ಮತ್ತು ಡಿಆರ್‌ಎಸ್ ರಿವ್ಯೂ ತೆಗೆದುಕೊಳ್ಳದಂತೆ ಸಲಹೆ ನೀಡಿದರು. ಬಳಿಕ ನ್ಯೂಜಿಲೆಂಡ್ ರಿವ್ಯೂ ತೆಗೆದುಕೊಳ್ಳಲಿಲ್ಲ. ಆದರೆ, ರಿಪ್ಲೇಗಳಲ್ಲಿ ಚೆಂಡು ಸ್ಟಂಪ್‌ಗೆ ಬಡಿಯುತ್ತಿದೆ ಎಂದು ತೋರಿಸಿತು ಮತ್ತು ಡಿಆರ್‌ಎಸ್ ರಿವ್ಯೂ ತೆಗೆದುಕೊಂಡಿದ್ದರೆ ರಾಹುಲ್ ಔಟ್ ಆಗುತ್ತಿದ್ದರು.

ಮೂರನೇ ದಿನದಾಟದ ನಂತರದ ಉದ್ವಿಗ್ನ ಕ್ಷಣಗಳನ್ನು ನೆನಪಿಸಿಕೊಂಡ ರಾಹುಲ್ ಒಂದು ಹಾಸ್ಯಮಯ ಹೇಳಿಕೆ ನೀಡಿದರು.

'ಪಂದ್ಯದ ಸಮಯದಲ್ಲಿ ಡಿಆರ್‌ಎಸ್ ರಿವ್ಯೂ ತೆಗೆದುಕೊಳ್ಳದಿದ್ದಕ್ಕಾಗಿ ನಾನು ಗ್ಲೆನ್ ಫಿಲಿಪ್ಸ್‌ಗೆ ಕೆಲವು ಪಾನೀಯಗಳನ್ನು ಖರೀದಿಸುತ್ತೇನೆ... ಅವು ನನ್ನ ಜೀವನದ ಅತ್ಯಂತ ನಿಧಾನವಾದ 15 ಸೆಕೆಂಡುಗಳಾಗಿದ್ದವು. ಆಗ ಇತರ ಆಟಗಾರರು GP (ಗ್ಲೆನ್ ಫಿಲಿಪ್ಸ್) ಅವರ ಮಾತನ್ನು ಕೇಳಲಿ ಎಂದು ನಾನು ಆಶಿಸುತ್ತಿದ್ದೆ' ಎಂದರು.

ನ್ಯೂಜಿಲೆಂಡ್ ವಿರುದ್ಧ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದಲ್ಲಿ 136 ರನ್ ಗಳಿಸುವ ಮೂಲಕ ಕೆಎಲ್ ರಾಹುಲ್, ಅವರು ನ್ಯೂಜಿಲೆಂಡ್‌ನಲ್ಲಿ ಟೆಸ್ಟ್ ಶತಕ ಗಳಿಸಿದ ನಾಲ್ಕನೇ ಭಾರತೀಯ ಆರಂಭಿಕ ಆಟಗಾರರಾದರು. ದಕ್ಷಿಣ ಆಫ್ರಿಕಾ, ಇಂಗ್ಲೆಂಡ್, ನ್ಯೂಜಿಲೆಂಡ್ ಮತ್ತು ಆಸ್ಟ್ರೇಲಿಯಾ ಸೇರಿದಂತೆ ನಾಲ್ಕು ಸೇನಾ (SENA) ದೇಶಗಳಲ್ಲಿ ಟೆಸ್ಟ್ ಶತಕ ಸಿಡಿಸಿದ ಐದನೇ ಭಾರತೀಯ ಬ್ಯಾಟ್ಸ್‌ಮನ್ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.

ನ್ಯೂಜಿಲೆಂಡ್‌ನಲ್ಲಿ ತಮ್ಮ ಮೊದಲ ಟೆಸ್ಟ್ ಶತಕ ಸಿಡಿಸಿದ ರಾಹುಲ್ (136), ಬೇಸಿನ್ ರಿಸರ್ವ್‌ನಲ್ಲಿ ನಡೆದ ಮೊದಲ ಟೆಸ್ಟ್ ಪಂದ್ಯದ ಮೂರನೇ ದಿನದಾಟದ ಅಂತ್ಯಕ್ಕೆ ಭಾರತವು 486/4 ತಲುಪಲು ಮತ್ತು 118 ರನ್‌ಗಳ ಮುನ್ನಡೆ ಸಾಧಿಸಲು ಸಹಾಯ ಮಾಡಿದರು.

'ಉತ್ಸುಕನಾಗಿದ್ದೇನೆ ಎಂದು ನಾನು ಭಾವಿಸುವುದಿಲ್ಲ. ನಾನು ಎಂದಿಗೂ ಉತ್ಸುಕನಾಗುವುದಿಲ್ಲ. ಆದರೆ ಅದು ನಾನು ಕಳೆದುಕೊಳ್ಳಲು ಬಯಸದ ಅವಕಾಶವಾಗಿತ್ತು. ನೀವು ಇಷ್ಟು ದಿನ ಟೆಸ್ಟ್ ಕ್ರಿಕೆಟ್ ಆಡುವಾಗ, ನಿಮ್ಮ ವೃತ್ತಿಜೀವನವನ್ನು ಮುಗಿಸಿದಾಗ, ನೀವು ಕನಿಷ್ಠ ಪಕ್ಷ ವಿವಿಧ ದೇಶಗಳಲ್ಲಿ ನಿಮ್ಮನ್ನು ಸವಾಲು ಮಾಡಿಕೊಳ್ಳಲು ಮತ್ತು ಅತ್ಯುತ್ತಮ ದಾಳಿಗಳ ವಿರುದ್ಧ ಆಡಲು ಅವಕಾಶವನ್ನು ಪಡೆಯಲು ಬಯಸುತ್ತೀರಿ ಎಂಬುದು ಸ್ಪಷ್ಟ. ನ್ಯೂಜಿಲೆಂಡ್‌ನಲ್ಲಿನ ಕಠಿಣ ಪರಿಸ್ಥಿತಿಳಲ್ಲಿ ಅನೇಕ ಬ್ಯಾಟ್ಸ್‌ಮನ್‌ಗಳು ರನ್ ಗಳಿಸಲು ಹೆಣಗಾಡುತ್ತಿರುವ ದೇಶವಾಗಿದೆ' ಎಂದರು.

'ಆದ್ದರಿಂದ, ನಾನು ಇಲ್ಲಿ ಟೆಸ್ಟ್ ಪಂದ್ಯ ಆಡಲು ಬಯಸಿದ್ದೆ. ನಾನು ಇನ್ನೂ ಹೆಚ್ಚಿನದನ್ನು ಆಡಲು ಬಯಸಿದ್ದೆ. ಆದರೆ ದುರದೃಷ್ಟವಶಾತ್, ನಾನು ಇದಕ್ಕೂ ಮೊದಲು ಆಡಿಲ್ಲ. ಆದ್ದರಿಂದ, ನನಗೆ ಅವಕಾಶ ಸಿಕ್ಕಾಗ, ನಾನು ಅದನ್ನು ಸದುಪಯೋಗಪಡಿಸಿಕೊಳ್ಳಲು ಬಯಸಿದ್ದೆ' ಎಂದು ರಾಹುಲ್ ಪಂದ್ಯದ ನಂತರದ ಪತ್ರಿಕಾಗೋಷ್ಠಿಯಲ್ಲಿ ಹೇಳಿದರು.

Follow KannadaPrabha channel on WhatsApp

  

Subscribe to KannadaPrabha YouTube Channel and watch Videos

   

Download the KannadaPrabha News app to follow the latest news updates

  

Subscribe and Receive exclusive content and updates on your favorite topics

ದೇಶದ ಅತಿ ಉದ್ದದ ನದಿ ಸೇತುವೆ, ಆರು ಪಥದ 'ನಿತೀಶ್​​ ಸೇತು' ಉದ್ಘಾಟಿಸಿದ ಪ್ರಧಾನಿ ಮೋದಿ

BJP ಕೈಗೊಂಬೆಯಾಗದೆ ಧೈರ್ಯ ತೋರಿಸಿ; META ವಿರುದ್ಧ ಯುವ ಕಾಂಗ್ರೆಸ್ ಆಕ್ರೋಶ; ಅಕೌಂಟ್ ಮರುಸ್ಥಾಪನೆಗೆ ಆಗ್ರಹ..!

ಪನ್ನುನ್ ಪ್ರಕರಣ: ಎನ್‌ಎಸ್‌ಎ ದೋವಲ್ ಅವರಿಗೆ ಅಮೆರಿಕ ನ್ಯಾಯಾಲಯದಿಂದ ಸಮನ್ಸ್ ಜಾರಿ

ರಾಜ್ಯದ ರೈತರಿಗೆ ಒಂದೇ ದಾಖಲೆಯಲ್ಲಿ ಭೂಮಿಯ ಸಮಗ್ರ ಮಾಹಿತಿ; ಹೊಸ ಮಾದರಿಯ ಪಹಣಿ ನಮೂನೆ 16-A!

'ಹಿಂದೆ ಬಡತನ ನಿರ್ಮೂಲನೆ ಬಗ್ಗೆ ಮಾತನಾಡಿದವರು ಕಡತ ಸಿದ್ದಪಡಿಸೋದು ಬಿಟ್ಟರೆ ಬೇರೇನೂ ಮಾಡುತ್ತಿರಲಿಲ್ಲ': ಪ್ರಧಾನಿ ಮೋದಿ; Video