ಬೆಳಗಾವಿ: ಪ್ರೇಮ ವಿವಾದಕ್ಕೆ ಸಾಕ್ಷಿಯಾಗಿದ್ದಾರೆ ಎನ್ನಲಾದ ಯುವಕರಿಬ್ಬರನ್ನು ಶಾಸಕರೊಬ್ಬರ ಬೆಂಬಲಿಗರು ಕೊಠಡಿಯೊಂದರಲ್ಲಿ ಕೂಡಿಹಾಕಿ ಹಾಕಿ ಸ್ಟಿಕ್ ಮತ್ತಿತರ ಮಾರಕಾಸ್ತ್ರಗಳಿಂದ ಹಿಗ್ಗಾಮುಗ್ಗಾ ಥಳಿಸಿದ ಅಮಾನವೀಯ ಘಟನೆ ಬೆಳಗಾವಿ ತಾಲೂಕಿನ ಉಚಗಾಂವ ಗ್ರಾಮದಲ್ಲಿ ನಡೆದಿರುವುದು ತಡವಾಗಿ ಬೆಳಕಿಗೆ ಬಂದಿದೆ.
ಬೆಳಗಾವಿ ಗ್ರಾಮಾಂತರ ಶಾಸಕ ಸಂಜಯ ಪಾಟೀಲ ಅವರ ಬೆಂಬಲಿಗ ಸುರೇಶ ಘಟಗಿ ಸೇರಿದಂತೆ ಐವರು ಯುವಕರಿಬ್ಬರನ್ನು ಬೆತ್ತಲೆಗೊಳಿಸಿ ಹಿಗ್ಗಾಮುಗ್ಗಾ ಥಳಿಸಿದ್ದಾರೆ. ದೃಶ್ಯಗಳನ್ನು ಮೊಬೈಲ್ನಲ್ಲಿ ಆರೋಪಿಗಳೇ ಸೆರೆ ಹಿಡಿದಿದ್ದಾರೆ. ಸುರೇಶ ಘಟಗಿ ಅವರ ಸಹೋದರನ ಪುತ್ರಿ ಶೋಭಾ ಘಟಗಿ ಮತ್ತು ಪ್ರಭಾಕರ ಪರಸ್ಪರ ಪ್ರೀತಿಸಿ ಮದುವೆಯಾಗಿದ್ದರು. ಇವರ ಮದುವೆಗೆ ಈ ಇಬ್ಬರು ಯುವಕರು ಸಾಕ್ಷಿಯಾಗಿದ್ದರು. ಸುರೇಶ ಘಟಗಿಯನ್ನು ಪೊಲೀಸರು ಬಂಧಿಸಿದ್ದಾರೆ.
ಈ ಘಟನೆಗೂ ನನಗೂ ಯಾವುದೇ ರೀತಿಯ ಸಂಬಂಧ ಇಲ್ಲ. ತಪ್ಪಿತಸ್ಥರ ವಿರುದ್ಧ ಕ್ರಮ ಕೈಗೊಳ್ಳುವುದು ಪೊಲೀಸರಿಗೆ ಬಿಟ್ಟಿದ್ದು.
- ಸಂಜಯ ಪಾಟೀಲ
ಬೆಳಗಾವಿ ಗ್ರಾಮಾಂತರ ಶಾಸಕ