ಬೆಂಗಳೂರು: ಉಪೇಂದ್ರ ಸಿನೆಮಾಗಳಿಗೂ ಇಂದಿನ ಗ್ಯಾಜೆಟ್ ಗಳಿಗೂ ಒಂದು ಸಾಮ್ಯತೆ ಇದೆ. ಎರಡೂ ಇಂದಿನ ಯುವ ಮನಸ್ಸನ್ನು ಗೆಲ್ಲಲು ಸದಾ ತುಡಿಯುತ್ತಿರುತ್ತವೆ.

ನವನೂತನ-ಇಂದಿನ ದಿನದ ಗ್ಯಾಜೆಟ್ ಗಳನ್ನು ವೀಕ್ಷಿಸಿ-ಕೊಳ್ಳಲು ಇದು ಸದವಕಾಶ. ಜೊತೆಗೆ ನಿಮ್ಮ ನೆಚ್ಚಿನ ನಟ ಉಪೇಂದ್ರ ಮತ್ತು ನಟಿ ಪ್ರಿಯಾಂಕ ಉಪೇಂದ್ರ ಅವರನ್ನು ಭೇಟಿ ಮಾಡಲು. ಹೌದು, ದಿ ನ್ಯೂ ಇಂಡಿಯನ್ ಎಕ್ಸ್ ಪ್ರೆಸ್ ಬಳಗ ಆಯೋಜಿಸುತ್ತಿರುವ ಎಕ್ಸ್ ಪ್ರೆಸ್ ಗ್ಯಾಜೆಟ್ ಲೋಕವನ್ನು ನಟ ಉಪೇಂದ್ರ ಮತ್ತು ನಟಿ ಪ್ರಿಯಾಂಕ ಉಪೇಂದ್ರ ಆಗಸ್ಟ್ 7 2015 ಮಧ್ಯಾಹ್ನ 2.30ಕ್ಕೆ ಉದ್ಘಾಟಿಸಲಿದ್ದಾರೆ.

ನಾಳೆ ಇಂಡಿಯನ್ ಎಕ್ಸ್ ಪ್ರೆಸ್ ಆವರಣ, ಕ್ವೀನ್ಸ್ ರಸ್ತೆ ಬೆಂಗಳೂರು, ಈ ಸ್ಥಳಕ್ಕೆ ಬಂದು ಈ ಪ್ರದರ್ಶನದಲ್ಲಿ ಭಾಗಿಯಾಗಲು ನಿಮ್ಮೆಲ್ಲರಿಗೂ ಸ್ವಾಗತ! ಈ ಗ್ಯಾಜೆಟ್ ಉತ್ಸವ ನಾಳೆಯಿಂದ ಮೂರು ದಿನಗಳ ಕಾಲ ಅಂದರೆ ಆಗಸ್ಟ್ 9ರವರಗೆ ಮುಂದುವರೆಯಲಿದ್ದು, ಬೆಳಗ್ಗೆ 11 ರಿಂದ ಸಂಜೆ 8ರವೆರೆಗೆ ಸಾರ್ವಜನಿಕರಿಗೆ ತೆರೆದಿರುತ್ತದೆ.