ಬೆಂಗಳೂರು: ಬೆಂಗಳೂರಿನ ಗೊಪಾಲನ್ ಮಾಲ್‌ನಲ್ಲಿ ನಡೆದ 'ಖೇಲ್ ಕರೋಕಿ' ಗಾಯನ ಸ್ಪರ್ಧೆ ಎಲ್ಲರ ಮನಸೆಳೆಯುವಲ್ಲಿ ಯಶಸ್ವಿಯಾಯಿತು. ಹಾಡುಗಾರಿಕೆ ಪ್ರತಿಭೆಯನ್ನು ಹೊರತರುವ ಅನೇಕ ಹವ್ಯಾಸಿ ಗಾಯಕಿಯರಿಗೆ ಅವಕಾಶ ಮಾಡಿಕೊಟ್ಟಿತು.
ಕಾರ್ಯಕ್ರಮದಲ್ಲಿ ಯುವ ಗಾಯಕಿಯರು ಉತ್ಸಾಹದಿಂದ ಪಾಲ್ಗೊಂಡು ಎಲ್ಲರ ಗಮನ ಸೆಳೆದರು. ಯುವ ಗಾಯಕಿಯರ ಪ್ರಯತ್ನಕ್ಕೆ ಸಾರ್ವಜನಿಕರು ಚಪ್ಪಾಳೆಯ ಮೂಲಕ ಪ್ರೋತ್ಸಾಹಿಸಿದರು.
ಈ ಸ್ಪರ್ಧೆಯಲ್ಲಿ ಆಯ್ಕೆಯಾಗುವ ಸ್ಪರ್ಧಾಳುಗಳು ಜನವರಿ 18ರಂದು ನಡೆಯುವ ಸೆಮಿ ಫೈನಲ್‌ನಲ್ಲಿ ಭಾಗವಹಿಸುವರು.
ಜನವರಿ 24ರಂದು ಬೆಳಿಗ್ಗೆ ಯಲಹಂಕ ಸಮೀಪದ ಸೂಪರ್‌ನೋವನಲ್ಲಿ ನಡೆಯುವ ಖೇಲ್ ಕರೋಕಿ ಗ್ರಾಂಡ್ ಫಿನಾಲೆಯಲ್ಲಿ 3 ಸ್ಪರ್ಧಾಳುಗಳನ್ನು ಆಯ್ಕೆಮಾಡಲಾಗುವುದು. ಅಂದು ಸಂಜೆ 6 ಗಂಟೆಗೆ ಸೋನು ನಿಗಂ ಅವರ 'ಕ್ಲೋಸ್ ಟು ಮೈ ಹಾರ್ಟ್‌' ಕಾರ್ಯಕ್ರಮದಲ್ಲಿ ವಿಜೇತ ಗಾಯಕಿಯರಿಗೆ ನಗದು ಬಹುಮಾನ ನೀಡಲಾಗುವುದು.
ಖೇಲ್ ಕರೋಕಿ ಆಡಿಷನ್‌ನಲ್ಲಿ ಭಾಗವಹಿಸಲು 8884444957 ಸಂಪರ್ಕಿಸಬಹುದು.
ಮೊದಲ ಬಹುಮಾನ ರೂ.1.00,000, ಪ್ರಥಮ ರನ್ನರ್‌ಅಪ್‌ಗೆ ರೂ. 25,000, ದ್ವಿತೀಯ ರನ್ನರ್‌ಅಪ್‌ಗೆ ರೂ.10,000 ನಗದು ಬಹುಮಾನ ನೀಡಲಾಗುವುದು ಎಂದು ಕಾರ್ಯಕ್ರಮದ ಆಯೋಜಕರು ತಿಳಿಸಿದ್ದಾರೆ.