ಧಾರವಾಡ: ಪ್ರಖರ ಚಿಂತನೆಗೆ ಹೆಸರಾಗಿದ್ದ ಡಾ. ಎಂ. ಎಂ. ಕಲಬುರ್ಗಿ ಹತ್ಯೆಯಾಗಿ 15 ದಿನ ಕಳೆದರೂ ಹಂತಕರನ್ನು ಪತ್ತೆ ಹಚ್ಚದ ಕಾರಣ ಸರ್ಕಾರದ ಮೇಲೆ ಮತ್ತಷ್ಟು ಒತ್ತಡ
ಹೇರಲು ಸೆ. 14ರಂದು ಧಾರವಾಡದಲ್ಲಿ ಬೃಹತ್ ಹೋರಾಟಕ್ಕೆ ವೇದಿಕೆ ಸಜ್ಜಾಗಿದೆ.

ಡಾ. ಎಂ.ಎಂ. ಕಲಬುರ್ಗಿ ಹತ್ಯಾ ವಿರೋಧಿ ಹೋರಾಟ ಸಮಿತಿ ರಚನೆಯಾಗಿ ದ್ದು, ಈ ಮೂಲಕ ನಾಡಿನ ಪ್ರಗತಿಪರ ಚಿಂತಕರು ಆ ದಿನ ಒಗ್ಗೂಡಿ ಬೃಹತ್ ಮಟ್ಟದ ಪ್ರತಿಭಟನೆ ನಡೆಸುತ್ತಿದ್ದಾರೆ. ಶುಕ್ರವಾರ ಈ ಹೋರಾಟದ ಕುರಿತು ಜಂಟಿ ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿದ ಹಿರಿಯ ಸಾಹಿತಿ ಡಾ. ಗುರುಲಿಂಗ ಕಾಪಸೆ, ಸಾಹಿತ್ಯಕ್ಕೆ ಹೊಸ ಆಯಾಮ ಹುಟ್ಟು
ಹಾಕಿದ ಡಾ. ಕಲಬುರ್ಗಿ ವಿಚಾರಗಳನ್ನು ವಿರೋಧಿಸಿದವರು ಅಜ್ಞಾನಿಗಳು.

ಈ ಸಾಂಸ್ಕೃತಿಕ ಭಯೋತ್ಪಾದನೆಯನ್ನು ಈಗಲೇ ಚಿವುಟಿ ಹಾಕಬೇಕು. ನಾಡಿನ ಚಿಂತಕರು ಸೆ. 14ರಂದು ಸರ್ಕಾರಕ್ಕೆ ಒತ್ತಾಯಿಸುತ್ತೇವೆ. ಸೆ. 15ರ ಬಳಿಕ ಹಿರಿಯ ಸಾಹಿತಿಗಳೆಲ್ಲರೂ
ಸಿಎಂ ಭೇಟಿ ಮಾಡಿ ತನಿಖೆ ತೀವ್ರಗೊಳಿಸಲು ಆಗ್ರಹಿಸುತ್ತೇವೆ ಎಂದರು.