ಬೆಂಗಳೂರು: ಹತ್ಯೆಯಾದ ಬನಶಂಕರಿ ಪಾಲಿಕೆ ಸದಸ್ಯ ದಿವಾನ್ ಅಲಿ ಸಹೋದರ ನಯಾಜ್ ಎಂಬ ರೌಡಿಯನ್ನು ಹಾಡಹಗಲೇ ಹತ್ಯೆ ಮಾಡಿದ್ದ ಪ್ರಮುಖ ಆರೋಪಿ ಅಯಾಜ್
ಸೋಮವಾರ ಪೊಲೀಸರಿಗೆ ಖುದ್ದು ಶರಣಾಗಿದ್ದಾನೆ. ಆದರೆ, ಮಾಗಡಿ ಠಾಣೆ ಪೊಲೀಸರು ಈ ಬಗ್ಗೆ ಮಾಹಿತಿ ನೀಡಲು ನಿರಾಕರಿಸಿದ್ದಾರೆ.

ಪೊಲೀಸರಿಗೆ ಶರಣಾದ ವೇಳೆ ಮಾತನಾಡಿದ ಆತ, ಹತ್ಯೆ ಹಿನ್ನೆಲೆಯಲ್ಲಿ ಯಾರ ಪಾತ್ರವೂ ಇಲ್ಲ. ಎಲ್ಲವೂ `ಅಲ್ಲಾ'ನ ಕೃಪೆ. ಹಣ ಹಾಗೂ ಹುಡುಗಿ ಆಸೆಯಿಂದ ನಾವು ಕರೆದಲ್ಲಿಗೆ ಬಂದ
ಸುಲಭವಾಗಿ ಸಿಕ್ಕಿಬಿದ್ದ ಎಂದು ಹತ್ಯೆ ಹಿನ್ನೆಲೆಯನ್ನು ವಿವರಿಸಿದ ಆತ, ಇದರಲ್ಲಿ ನನ್ನ ಪಾತ್ರವಿಲ್ಲ. ಆತ ನನ್ನ ತಂದೆ, ಅಣ್ಣ ಸೇರಿದಂತೆ ಆಪ್ತರನ್ನು ಹತ್ಯೆ ಮಾಡಿದ್ದ. ದಿವಾನ್ ಅಲಿ ಹತ್ಯೆ ಪ್ರಕರಣದಲ್ಲಿ ವಿನಾಕಾರಣ ನನ್ನನ್ನು ಆರೋಪಿಯನ್ನಾಗಿ ಮಾಡಿ ಜೈಲಿಗೆ ಕಳುಹಿಸಿದ್ದರು ಎಂದನು.

ಜೈಲಿನಿಂದ ಹೊರಬಂದ ನಂತರ ನಾನು ಬೀದಿಪಾಲಾಗಿದ್ದೆ. ಆದರೂ ನನ್ನ ಬೆನ್ನತ್ತಿದ ನಯಾಜ್ ಹಾಗೂ ಆತನ ಸಹಚರರು ನನ್ನ ಹತ್ಯೆಗೆ ಹೊಂಚು ಹಾಕಿದ್ದರು. ಮೂರ್ನಾಲ್ಕು ಬಾರಿ ತಪ್ಪಿಸಿಕೊಂಡಿದ್ದೆ. ಕೊನೆಗೆ ಜೀವ ಉಳಿಸಿಕೊಳ್ಳಲು ಆತನ ಹತ್ಯೆ ಮಾಡಲಾಯಿತು. ಹಣ, ಹೆಣ್ಣಿನ ಆಸೆ ತೋರಿಸಿ ರಹಸ್ಯ ಸ್ಥಳಕ್ಕೆ ಕರೆಸಿ ಹತ್ಯೆ ಮಾಡಲಾಯಿತು. ನಯಾಜ್ ವಿರುದಟಛಿ ನಗರದ ವಿವಿಧ ಠಾಣೆಗಳಲ್ಲಿ ಸುಮಾರು 17 ದೂರು ದಾಖಲಾಗಿವೆ ಎಂದು ತಿಳಿಸಿದ್ದಾನೆ. ಪೊಲೀಸರು ಮಾತ್ರ ಈ ಸಂಬಂಧ ಯಾವುದೇ ಮಾಹಿತಿ ನೀಡುತ್ತಿಲ್ಲ. ಸೆ.4ರಂದು ಮಾಗಡಿ ಠಾಣೆ ವ್ಯಾಪ್ತಿಯಲ್ಲಿ ಹತ್ಯೆ ನಡೆದಿತ್ತು.ಘಟನೆ ನಂತರ ಆರೋಪಿ  ಪರಾರಿಯಾಗಿದ್ದ. ಈ ಸಂಬಂಧ ಪೊಲೀಸರು ಆರೋಪಿಗೆ ಹುಡುಕಾಟ ನಡೆಸಿದ್ದರು.