ಬೆಂಗಳೂರು: ರಾಜ್ಯದ ಹಲವು ಜಿಲ್ಲೆಗಳಲ್ಲಿ ಭಾನುವಾರ ದಿಢೀರನೆ ಗುಡುಗು ಸಹಿತ ಮಳೆಯಾಗಿದ್ದು, ಸಿಡಿಲಿಗೆ ನಾಲ್ವರು ಬಲಿಯಾಗಿದ್ದಾರೆ. ಒಟ್ಟು 8 ಮಂದಿಗೆ ಗಾಯಗಳಾಗಿವೆ.

ಚಿತ್ರದುರ್ಗ ಜಿಲ್ಲೆಯ ಪ್ರತ್ಯೇಕ ಎರಡುಪ್ರಕರಣಗಳಲ್ಲಿ ಮೂವರು ಬಲಿಯಾಗಿದ್ದರೆ, ಮಧುಗಿರಿಯಲ್ಲಿ ಒಬ್ಬರು ಸಿಡಿಲು ಬಡಿದು ಸಾವಿಗೀಡಾಗಿದ್ದು, ಐವರು ಗಂಭೀರವಾಗಿ ಗಾಯಗೊಂಡಿದ್ದಾರೆ.

ಹೊಳಲ್ಕೆಕೆರೆ ತಾಲೂಕಿನ ದಗ್ಗೆ ಗ್ರಾಮದ ಮಂಜುನಾಥ್ (52), ತೇಕವಟ್ಟಿ ಗ್ರಾಮದ ಉಮೇಶ್ (28) ಮತ್ತು ಮೊಳಕಾಲ್ಮುರು ತಾಲೂಕಿನ ಜುಮ್ಮೊಬನಹಳ್ಳಿ ಗ್ರಾಮದ ಬಸಣ್ಣ (35) ಮತ್ತು ಮಧುಗಿರಿ ತಾಲೂಕಿನ ಕಡಗತ್ತೂರು ಗ್ರಾಮದ ಅಂಜಪ್ಪ (60)ಮೃತರು.

ಐವರಿಗೆ ಗಾಯ: ಚಳ್ಳಕೆರೆ ತಾಲೂಕಿನ ಜಡೇಕುಂಟೆ ಗ್ರಾಮದಲ್ಲಿ ಕೃಷಿ ಚಟುವಟಕೆಯಲ್ಲಿ ತೊಡಗಿದ್ದಾಗ ಸಿಡಿಲು ಬಡಿದು ಮೂವರು ಗಾಯಗೊಂಡಿದ್ದರೆ, ಎತ್ತು ಸ್ಥಳದಲ್ಲೇ ಸಾವನ್ನಪ್ಪಿದೆ. ತಿಮ್ಮಾರೆಡ್ಡಿ(21), ಸರೋಜಮ್ಮ(30) ಮತ್ತು ರೇಣುಕಮ್ಮ (39) ಗಾಯಗೊಂಡವರನ್ನು ಜಿಲ್ಲಾ ಆಶ್ಪತ್ರೆಗೆ ದಾಖಲಿಸಲಾಗಿದೆ.

ಮಡಿಕೇರಿಯಲ್ಲಿ ದಿಢೀರ್ ಮಳೆ: ದ.ಕ.ಜಿಲ್ಲೆಯಲ್ಲಿ ಮಳೆಯಾಗಿದ್ದು, ಮಡಿಕೇರಿಯಲ್ಲಿ ಭರ್ಜರಿಯಾಗಿ ಸುರಿದಿದೆ. ತೀವ್ರಸ್ವರೂಪದಲ್ಲಿದ್ದ ಗಾಳಿ ಮಳೆ ಬಂದಿದ್ದು,ಹಳ್ಳ ಕೊಳ್ಳಗಳೆಲ್ಲವೂ ತುಂಬಿ ಹರಿದವು. ಶಿವಮೊಗ್ಗ, ಉತ್ತರಕನ್ನಡ, ರಾಜಧಾನಿಬೆಂಗಳೂರು, ರಾಮನಗರ, ಹಾಸನಸೇರಿದಂತೆ ಹಲವು ಜಿಲ್ಲೆಗಳಲ್ಲಿ ಸಾಧಾರಣಮಳೆಯಾಗಿದ್ದು, ತುಮಕೂರು ಜಿಲ್ಲೆಯಶಿರಾದಲ್ಲಿ ಉತ್ತಮವಾಗಿ ಸುರಿದಿದೆ.