ತಪ್ಪು ದಾರಿಯಲ್ಲಿ ತುಸು ದೂರ ನಡೆಸುವ ದೂತ
    ಪ್ರಾಯದ ಕಣ್ಣಿಗೆ ಬಡಿದ ಕಾಮಾಲೆ
    ಮೈಮನಗಳ ಸೆಳೆತ, ಅಂಗಾಂಗಗಳ ಕುಣಿತ
    ಶೃಂಗಾರ ಜಳಕ  ಮನಸು ಮನಸುಗಳ ಪುಳಕ
    ಛೆ..ಛೆ.. ಎನಿಸುವಷ್ಟು ಇರಬಾರದ ವಾಂಛೆ
    ಅತಿಯಾದರೆ ತುಚ್ಛವೆನಿಸುವ ಇಚ್ಛೆ
    ಮನೋ ಮಥನದಲ್ಲಿ ಜನಿಸಿದ ಮನ್ಮಥ
    ಮನದ ಮದವಿದು ಮದನನ ತನನ
    ದರ್ಪ ತೋರಿದವರ ಕಂದಕಕ್ಕೆ ತಳ್ಳುವ ಕಂದರ್ಪ
    ಅನಂಗ ಮಂಗ
    ಸ್ಮರಣೆಯನ್ನೆಲ್ಲ ನುಂಗಿ ಹಾಕುವ ಸ್ಮರ
    ಇದರ ಆವೇಶಕ್ಕೆ ತೊಟ್ಟ ವೇಷವೆಲ್ಲ ಕಳಚುವುದು
    ಪಂಚ ಬಾಣಗಳಿಂದಲೂ ಹೃದಯ ಕೊರೆಯುವ ಹಲಾಯುಧ
    ಮನದೊಳಗಿನ ಅಗ್ನಿ
    ತೊಟ್ಟರೂ ಸುಡುವ ಬಿಟ್ಟರೂ ಸುಡುವ ಸೆರಗಿನೊಳಗಿನ ಕೆಂಡ
    ಪುರುಷನ ಪೌರುಷ ನಿರ್ಧಾರವಾಗುವ ವಿಷಯಗಳಲ್ಲಿ ಒಂದು


-ವಿಶ್ವನಾಥ ಸುಂಕಸಾಳ
vishwasunkasal@yahoo.com