ಮನು ವಿ. ದಾವಣಗೆರೆ, 9739259427
ಹುಡುಗಿಯರು ಮೊಬೈಲ್‌ನಲ್ಲಿ ಮಾತನಾಡುತ್ತಾ ಓಡಾಡುತ್ತಾರಲ್ಲ. ಏಕೆ?
ಬ್ಯುಸಿ ಇದ್ದಾಳೆ ಅಂದುಕೊಂಡು ನಿಮ್ಮಂಥವರೆಲ್ಲ ಮಾತನಾಡಿಸದೇ ಇರಲಿ ಅಂತ.

ಓಂ ಚೆನ್ನೇಶ್ ಅರಬಿಳಚಿ ಕ್ಯಾಂಪ್ 9901257131
ಬರ್ತಾ ಬರ್ತಾ ಹುಡುಗಿಯರು ಹಾಕೋ ಬಟ್ಟೆಗಳೆಲ್ಲಾ ಚಿಕ್ಕದಾಗ್ತ ಇವೆಯಲ್ಲ?
ಮನುಷ್ಯ ಎಷ್ಟೇ ಬೆಳೆದರೂ ಮಗುವಿನಂತೆ ಇರಬೇಕು ಎಂಬ ಮಾತನ್ನು ತಪ್ಪಾಗಿ ಅರ್ಥೈಸಿಕೊಂಡಿರುವುದರ ಪರಿಣಾಮ!

ಹೇಮಂತಕುಮಾರ್, 9035992900
ಸಿನಿಮಾದಂತೆ ನಿಜ ಜೀವನದಲ್ಲೂ ನೋವು, ನಲಿವುಗಳಿಗೆ ಹಾಡು ಹಾಡಲು ಸಾಧ್ಯವೇ?
ಹಾಡಬಹುದು, ಆದರೆ ಮನೋಭೂಮಿಕೆಯಲ್ಲಿ ಹೆಚ್ಚಿನ ಸಂದರ್ಭಗಳಲ್ಲಿ ಓಡೋದು ಮೂಕಿ ಚಿತ್ರವೇ!

ಪೇಂಟರ್ ಪಾಪು, ಸಂತೇಮರಹಳ್ಳಿ 9008877712
ಮೊಬೈಲ್ ಫೋನ್ ಇರೋದೆ ಸುಳ್ಳನ್ನು ಹೇಳುವುದಕ್ಕೆ ಅಲ್ವಾ?
ಈ ಪ್ರಶ್ನೆಗೆ ಉತ್ತರಿಸುವಾಗ ಮೊಬೈಲ್ ಫೋನ್ ಕಿವಿಗಿರಿಸಿಕೊಂಡಿಲ್ಲವಾದ್ದರಿಂದ ಹೌದು ಎಂಬ ನಿಜ ಹೇಳಬಹುದು!

ಕಂಚಿಗನಹಳ್ಳಿ ಧನಂಜಯ, ಸಿರಾ 9141308498
ಬೈಟು ಕಾಫಿ ಯಾಕೆ, ಫುಲ್ ಇಲ್ವಾ?
ಬಿಸಿ ಬಿಸಿಯಾಗಿದ್ದನ್ನು ಚೂರೇ ಕೊಟ್ಟು ಇನ್ನಷ್ಟು ಬೇಕೆಂಬ ಬೇಡಿಕೆ ಕೇಳಿಸಿಕೊಳ್ಳುವ ಸಂಚು!

- ಬಾಣಭಟ್ಟ