ಕನಸಿನಲ್ಲಿನ ಕನವರಿಕೆ
    ಕೆಲವು ಗಂಡಸರಿಗೆ ಹೆಂಡತಿಯೆದುರು ಮಾತನಾಡಲು ಇರುವ ಏಕೈಕ ಅವಕಾಶ
    ಮನಸಿನಲ್ಲಿ ತಿಂದ ಮಂಡಿಗೆಗಳನ್ನೆಲ್ಲ ಕನಸಿನಲ್ಲಿ ಕಕ್ಕುವ ಮಾಧ್ಯಮ
    ಮನಸಿನ ಕಿಲುಬುಗಳನ್ನೆಲ್ಲ ಹಲುಬುವ ಮೂಲಕ ತೊಳೆದುಕೊಳ್ಳುವಿಕೆ
    ಸದನದಲ್ಲಿನ ಕೆಲವರ ಮಾತುಗಳನ್ನು ಕೇಳಿದರೆ ಹೀಗೆಯೇ ಅನಿಸುವುದು
    ನಿದ್ರಾಂಗನೆಯೊಡನೆಯ ಸಲ್ಲಾಪ
    ಸ್ವಪ್ನ ಭಾಷಣ
    ವಿದ್ಯಾರ್ಥಿಗಳೆಲ್ಲ ನಿದ್ರೆಯಲ್ಲಿರುವಾಗ ನಡೆಯುವ ಪಾಠ
    ಅಭಿವ್ಯಕ್ತಿ ಸ್ವಾತಂತ್ರ್ಯದ ಅತಿರೇಕ ಬಳಕೆ
    ವಿಶ್ರಾಂತಿ ಮತ್ತು ಕೆಲಸ ಏಕಕಾಲಕ್ಕೆ ನಡೆಯುವುದಕ್ಕೊಂದು ಉದಾಹರಣೆ
    ವಾಚಾಳಿಯ ಅವಿಶ್ರಾಂತ ವಾಚಿಕ ಶ್ರಮ
    ಅಕಸ್ಮಾತ್ ಸತ್ಯ ಹೇಳಿಬಿಡುವ ಅಪಾಯಕಾರಿ ಸಂದರ್ಭ
    ಶ್ರೋತೃ ವರ್ಗದ ಅಪೇಕ್ಷೆಯಿಲ್ಲದ ಮಾತು
    ಪ್ರಜ್ಞಾಹೀನ ನುಡಿಗಳು


-ವಿಶ್ವನಾಥ ಸುಂಕಸಾಳ
vishwasunkasal@yahoo.com