ಹಿಗ್ಗದ, ಕುಗ್ಗದ, ಬಗ್ಗದ, ಜಗ್ಗದ, ಒಣ ಕಟ್ಟಿಗೆಯ ತುಂಡಿನಂಥವ
    ಇವನ ಮನಸ್ಸು ರಬ್ಬರ್‌ನಂತೆ ಸ್ಥಿತಿಸ್ಥಾಪಕ ಗುಣ ಹೊಂದಿರುತ್ತದೆ
    ದುಃಸ್ಥಿತಿಯಲ್ಲೂ ಮರುಗದ, ಸೊರಗದ, ಜರುಗದ ಗುಣದವ
    ಹೊರಗಿಂದ ಅಜ್ಞ, ಒಳಗೊಳಗೇ ಪ್ರಾಜ್ಞ
    ಇವನ ಮನಸ್ಥಿತಿಯೆದುರು ಗೆಲುವೂ ಸೋಲುತ್ತದೆ, ಸೋಲೂ ನಗುತ್ತದೆ
    ಬುದ್ಧನಂತೆ ಪ್ರಬುದ್ಧ, ಸಿದ್ಧನಂತೆ ಶುದ್ಧ, ಆದರೂ ಇವನಲ್ಲ ಸಂಸಾರಕ್ಕೆ ಬದ್ಧ,
    ಸ್ಥಿತಿಗೆ ತಕ್ಕಂತೆ ಬುದ್ಧಿಯನ್ನು ಸುಸ್ಥಿತಿಗೆ ತಂದುಕೊಳ್ಳಬಲ್ಲವ
    ಇವನ ಭಾಷೆಗೆ ಕಾಭಾಷಾ ಎನ್ನುತ್ತಾರೆ. (ಸ್ಥಿತಪ್ರಜ್ಞಸ್ಯ ಕಾಭಾಷಾ...)
    ಶತ್ರುವೇ ಎದುರಿದ್ದರೂ ಘರ್ಜಿಸದ (ಮನಮೋಹನ) ಸಿಂಹ..
    ಪ್ರಜ್ಞಾಳ ಜೊತೆಗಾರ
    ಇವನಿಗೆ ಅಳುವೇ ಬಾರದ ಕಾರಣ ಕರ್ಚೀಫ್‌ನ ಅಗತ್ಯವಿಲ್ಲದವ
    (ಎದುರಾ ಎದುರೇ ಸುಳ್ಳಾಡುವ ರಾಜಕಾರಣಿಯನ್ನೂ ಸಹಿಸಿಕೊಳ್ಳುವ) ಎಲ್ಲ ಮತದಾರರೂ ಒಂದರ್ಥದಲ್ಲಿ ಸ್ಥಿತಪ್ರಜ್ಞರೇ
    ಪ್ರಜ್ಞೆ ಕಳಕೊಂಡವರೂ ಹೀಗೇ ಕಾಣುತ್ತಾರೆ. ಆದರೆ ಅದು ಪ್ರಜ್ಞಾಪೂರ್ವಕ ಸ್ಥಿತಿಯಲ್ಲ


ವಿಶ್ವನಾಥ ಸುಂಕಸಾಳ


vishwasunkasal@yahoo.com