ಕಡೆಯಲ್ಲಿ ಬಂದವರ ಬಗೆಗಿನ ಕಡೆಗಣನೆ
    ಅವಮಾನಿಸುವುದಕ್ಕೆಂದೇ ತೋರುವ ಅವಗಣನೆ
    ಕೋಟಿ ಇರುವಾಗ ಲಕ್ಷದ ಬಗೆಗಿನ ನಿರ್ಲಕ್ಷ್ಯ
    ಸಂಬಂಧಿಕರ ಬಗೆಗೆ ಸಂಬಂಧವಿಲ್ಲದಿರುವಂತೆ ಇರುವಿಕೆ
    ಸಾರವಿಲ್ಲವೆಂದು ಅರಿವಿಗೆ ಬಂದ ವಿಷಯದ ಮೇಲಿನ ತಾತ್ಸಾರ
    ಲಂಚ ಕೊಡಲು ಹಿಂಜರಿಯುವವನ ಮೇಲೆ ಲಂಚಿಗ ಬೀರುವ ದೃಷ್ಟಿ
    ಸಂಪತ್ತಿನ ಗರ್ವ ತಂದುಕೊಡುವ ಮನೋಭಾವ
    ಬೇರೆಯವರು ನಮ್ಮನ್ನು ಉದಾಸೀನ ಮಾಡಬಾರದೆಂಬ ಭಾವವೇ ನಮ್ಮನ್ನು ಕ್ರಿಯಾಶೀಲವಾಗಿಡುವುದು
    ಉನ್ಮತ್ತ, ಪಾನಮತ್ತ ಮತ್ತು ಗರ್ವಮತ್ತರ ಚಚಿತ್ತ ಇದರಿಂದಲೇ ತುಂಬಿರುವುದು
    'ಉದಾಸಿ'ಯವರ ಬಗೆಗಿನ ಸ್ವಪಕ್ಷದವರ ನಿಷ್ಕಾಳಜಿ
    ಕೈಗೆ ನಿಲುಕದೆಂದು ತಿಳಿದ ವಿಷಯದ ಬಗೆಗಿನ ತಾತ್ಕಾಲಿಕ ವೈರಾಗ್ಯ
    ಇದನ್ನು ಬೆಳೆಸಿಕೊಂಡರೆ ಅನಗತ್ಯ ತಲೆಬಿಸಿಗಳು ಕಡಿಮೆಯಾಗುತ್ತವೆ
    ವಿಸ್ಮೃತಿ ಮಾಲ; ಮರೆವಿನ ಚೀಲ
    ಹೊತ್ತು ಹೆತ್ತವರ ಬಗೆಗಿನ ಈಗಿನ ಮಕ್ಕಳ ಪ್ರತಿಕ್ರಿಯೆ
    ಎದುರಿಗಿರುವ ಅತ್ಯಂತ ಸುಂದರ ಹೆಣ್ಣನ್ನು ಯಾರಾದರೂ ಉಪೇಕ್ಷೆ ಮಾಡಿದರೆಂದರೆ ಪಕ್ಕದಲ್ಲೇ ಹೆಂಡತಿ ಇದ್ದಾಳೆಂದು ಊಹಿಸಬಹುದು
    ಉದಾಸೀನತೆಯ ವಿಷಯದಲ್ಲಿ ಭಾರತೀಯರು ಉದಾರಿಗಳು
    ಅಹಂಕಾರದ ಸದ್ದಿಗೆ ಉದಾಸೀನವೇ ಮದ್ದು

-ವಿಶ್ವನಾಥ ಸುಂಕಸಾಳ
vishwasunkasal@yahoo.com