= ಆಗಾಗ ಜಡಕು ಬೀಳುವಂಥದ್ದು ಮತ್ತು ಜಡಕು ಉಂಟು ಮಾಡುವಂಥದ್ದು
= ಕಟ್ಟಿದರೆ ವೇಣಿ ಸಂಹಾರ, ಕೆಟ್ಟರೆ ಸಂಹಾರ ವೇಣಿ
= ಇದು ಕೆಲವೊಮ್ಮೆ ಹಾವಿನಂತೆ, ಕೆಣಕಿದರೂ ಹಾವಿನಂತೆಯೇ
= ಹಿಂದಿನ ಕಾಲದ ಸ್ತ್ರೀಯರು ಇದನ್ನು ಹೊಂದಿರುತ್ತಿದ್ದರು. ಇದನ್ನು ಈಗ ಚಿತ್ರಗಳಲ್ಲಿ ಕಾಣಬಹುದು
= ಜಡೆಯ ಜಾಡು ಹಿಡಿಯುವುದು ಕಷ್ಟ ಕಷ್ಟ
= ಕೆಲವು ಜಡೆಗಳು ಕುದುರೆ ಬಾಲ, ಇನ್ನು ಕೆಲವು ಕತ್ತೆ ಬಾಲ. ಮತ್ತೊಂದಿಷ್ಟು ಇಲಿ ಬಾಲ
=     ಯುವಕರ ಜಡತ್ವವನ್ನು ಹೋಗಲಾಡಿಸಿ ಬಡಿದೆಬ್ಬಿಸುವ ಮಾಯೆ
=     ಎರಡು ಜಡೆ ಸೇರಿದರೆ ಸುದ್ದಿ, ಮೂರು ಸೇರಿದರೆ ಸುದ್ದಿ ಮತ್ತು ಸುದ್ದಿ, ನಾಲ್ಕು ಸೇರಿದರೆ ಸುದ್ದಿ, ಸುದ್ದಿ ಮತ್ತು ಸುದ್ದಿ
=     ಹೃದಯ ಹೃದಯಗಳನ್ನು ಜೋಡಿಸಿ ಕಸಿ ಮಾಡುವುದರಿಂದ ಇದಕ್ಕೆ ಜಡೆ ಎಂದು ಹೆಸರು
    ಅಳಿವಿನಂಚಿನಲ್ಲಿರುವ ಪ್ರಭೇದ
= ಮಸೂರ ಹಿಡಿದು ನೋಡಿದರೆ ಜಡೆಯ ಪಳೆಯುಳಿಕೆ ಕಾಣಬಹುದು
= ಎರಡು ಜಡೆ ಸೇರಿದರೆ ಜಗಳ ಎನ್ನುತ್ತಾರೆ. ಅದು ಸುಳ್ಳು. ಎರಡು ಸೇರಲೇಬೇಕೆಂದೇನೂ ಇಲ್ಲ
= ಸುಂದರಿಯೆಂಬ ದರಿಯೊಳಗೆ ದೂಡುವಂಥದ್ದು
= ಸಂಸಾರದ ಜಂಜಡಗಳನ್ನು ಒಂದು ಕ್ಷಣ ಇಲ್ಲವಾಗಿಸುವಂಥದ್ದು


-ವಿಶ್ವನಾಥ ಸುಂಕಸಾಳ
vishwasunkasal@yahoo.com