ಸಾಮಗ್ರಿಗಳು
1. ಹಿತಕವರೆ- 1/2 ಪಾವು
2. ಉದ್ದಿನಬೇಳೆ- 1 ಟೀ ಚಮಚ
3. ಮೆಣಸು- 10-12
4. ಸಾರಿನ ಪುಡಿ- 1 ಟೀ ಚಮಚ
5. ತೆಂಗಿನಕಾಯಿ- 1 ಬಟ್ಟಲು
6. ಉಪ್ಪು, ಇಂಗು, ಕರಿಬೇವು, ಕೊತ್ತಂಬರಿಸೊಪ್ಪು- ರುಚಿಗೆ ತಕ್ಕಷ್ಟು
7. ಎಣ್ಣೆ- 1 1/2 ಟೀ ಚಮಚ
8. ಸಾಸಿವೆ- 1 ಟೀ ಚಮಚ

ಮಾಡುವ ವಿಧಾನ

• ಉದ್ದಿನಬೇಳೆಯನ್ನು ಘಂ ಅಂತ  ಹುರಿಯಿರಿ. ಮೆಣಸನ್ನು ಪಟ ಪಟ ಎನ್ನುವವರೆಗೆ ಹುರಿಯಿರಿ. ಎರಡನ್ನು ಮಿಕ್ಸಿಗೆ ಹಾಕಿ ಪುಡಿ ಮಾಡಿ. ನಂತರ ಸಾರಿನಪುಡಿ, ಕಾಯಿತುರಿ, ಉಪ್ಪು, ಇಂಗು ಎಲ್ಲವನ್ನು ಸ್ವಲ್ಪ ನೀರು ಹಾಕಿ ಚಟ್ನಿ ಹದಕ್ಕೆ ರುಬ್ಬಿ.
• ಒಂದು ಪಾತ್ರೆಯಲ್ಲಿ ಸ್ವಲ್ಪ ನೀರಿಟ್ಟು ಹಿತಕವರೆಯನ್ನು ಬೇಯಿಸಿ. 10 ನಿಮಿಷದಲ್ಲಿ ಬೆಂದು ಬಿಡುತ್ತದೆ.
• ರುಬ್ಬಿದ ಚಟ್ನಿಯನ್ನು ಬೆಂದ ಕಾಳಿಗೆ ಹಾಕಿ, ಹುಳಿಯ ಹದಕ್ಕೆ ಬರುವಷ್ಟು ನೀರು ಹಾಕಿ ಚೆನ್ನಾಗಿ ಕುದಿಸಿ.
• ಎಣ್ಣೆ ಕಾಯಿಸಿ, ಸಾಸಿವೆ, ಕರಿಬೇವು, ಕೊತ್ತಂಬರಿಸೊಪ್ಪು ಹಾಕಿ ಒಗ್ಗರಣೆ ಮಾಡಿ ಅದಕ್ಕೆ ಸೇರಿಸಿ.
• ಇದನ್ನು ಪೂರಿ, ಚಪಾತಿ ಜೊತೆ ತಿನ್ನಬೇಕು. ಅನ್ನಕ್ಕೂ ಕಲಸಿಕೊಳ್ಳಬಹುದು.

- ಶ್ರೀದೇವಿ
(ಸಖಿ ಪಾಕ್ಷಿಕದಿಂದ ಆಯ್ದ ಲೇಖನ)