ಪದಾರ್ಥಗಳು

• ಬಾರ್ಲಿ- 50 ಗ್ರಾಂ
• ಏಲಕ್ಕಿ- 10 ಎಸಳು
• ಸಕ್ಕರೆ- 25-30 ಚಮಚ
• ಬಾದಾಮಿ-15
• ದ್ರಾಕ್ಷಿ- 15
• ಗೋಡಂಬಿ-15
• ತುಪ್ಪ- 5 ಚಮಚ
• ಕೇಸರಿ-5 ದಳ
• ಅಕ್ಕಿ- 2 ರಿಂದ 3 ಚಮಚ
  
• ಹಾಲು- ಅರ್ಥ ಲೀಟರ್

ಮಾಡುವ ವಿಧಾನ

• ಬಾರ್ಲಿಯನ್ನು ತೊಳೆದು ಪಾತ್ರೆಗೆ ಸ್ವಲ್ಪ ನೀರುಹಾಕಿ 15 ನಿಮಿಷ ಬೇಯಿಸಿಕೊಳ್ಳಬೇಕು.
• ನಂತರ ಮತ್ತೊಂದು ಪಾತ್ರೆಯಲ್ಲಿ ಹಾಲುಕಾಯಿಸಿಕೊಳ್ಳಬೇಕು.
• ಬಾಣಲೆಯಲ್ಲಿ 2 ಸ್ಪೂನ್ ತುಪ್ಪ ಹಾಕಿ, ದ್ರಾಕ್ಷಿ ಮತ್ತುಗೋಡಂಬಿಯನ್ನು ಹುರಿದಿಕೊಳ್ಳಬೇಕು.
• ಏಲಕ್ಕಿಯನ್ನು ಪುಡಿ ಮಾಡಿಟ್ಟುಕೊಳ್ಳಬೇಕು.ಬಾದಾಮಿಯನ್ನು ಸಣ್ಣದಾಗಿ ಚೂರುಗಳನ್ನಾಗಿ ಮಾಡಿಟ್ಟುಕೊಳ್ಳಬೇಕು. ಕೇಸರಿಯನ್ನು ಕಾದ ಹಾಲಿನಲ್ಲಿ 5ನಿಮಿಷ ನೆನೆಸಿಟ್ಟುಕೊಳ್ಳಬೇಕು. ಅಕ್ಕಿಯನ್ನು ಹುರಿದು ಪುಡಿ ಮಾಡಬೇಕು.
• ಬಾರ್ಲಿ ಬೆಂದ ನಂತರ, ಇದಕ್ಕೆ ಹಾಲು, ಏಲಕ್ಕಿ ಪುಡಿ,ಸಕ್ಕರೆ, ಹಾಲಿನಲ್ಲಿ ನೆನೆಹಾಕಿದ ಕೇಸರಿ, ದ್ರಾಕ್ಷಿ, ಗೋಡಂಬಿ, ಬಾದಾಮಿ ಚೂರುಗಳು, ಹುರಿದು ಪುಡಿಮಾಡಿಟ್ಟುಕೊಂಡ ಅಕ್ಕಿ ಪುಡಿ ಹಾಗೂ ಉಳಿದ ತುಪ್ಪವನ್ನು ಹಾಕಿ ಮಿಶ್ರಣ ಮಾಡಿ ಸ್ವಲ್ಪಹೊತ್ತು ಒಲೆಯಮೇಲೆ ಬಿಸಿಯಾಗಲು ಬಿಟ್ಟರೆ ರುಚಿಕರವಾದ  ಬಾರ್ಲಿ ಬಾದಾಮಿ ಪಾಯಸ ತಯಾರಾಗುತ್ತದೆ. ಈ ಪಾಯಸ ಬಿಸಿಗಿಂತ ತಣ್ಣಗಾದ ಮೇಲೆಯೇ ಹೆಚ್ಚು ರುಚಿ.

-ಮಂಜುಳ.ವಿ.ಎನ್