ಬೇಕಾಗುವ ಪದಾರ್ಥಗಳು

• ಚಿಕ್ಕ ಗಾತ್ರದ ಆಲೂ ಗಡ್ಡೆ - 10-15
• ಚಿಲ್ಲಿ ಫ್ಲೇಕ್ಸ್ - 2 ಚಮಚ
• ಬೆಳ್ಳುಳ್ಳು ಎಸಳು - 4-5
• ಹುರಿದ ಜೀರಿಗೆ - 2 ಚಮಚ
• ಒಣ ಮಾವಿನಕಾಯಿ ಪುಡಿ - 2 ಚಮಚ (ಒಣ ಮಾವಿನಕಾಯಿ ಪುಡಿ ಇಲ್ಲದಿದ್ದರೆ ಹುಣಸೆಹಣ್ಣಿನ ರಸ ಬಳಸಬಹುದು)
• ಕರಿ ಮೆಣಸಿನ ಪುಡಿ - ಸ್ವಲ್ಪ
• ಎಣ್ಣೆ - 2 ಚಮಚ
• ಕೊತ್ತಂಬರಿ ಸೊಪ್ಪು - ಸ್ವಲ್ಪ
• ನೀರು - 1/4 ಕಪ್
• ಉಪ್ಪು - ರುಚಿಗೆ ತಕ್ಕಷ್ಟು

• ಆಲೂಗಡ್ಡೆಯನ್ನು ಬೇಯಿಸಿ ಸಿಪ್ಪೆ ತೆಗೆದು ಒಂದು ಪಾತ್ರೆಯಲ್ಲಿಡಿ.
• ನಂತರ ಚಿಲ್ಲಿ ಫ್ಲೇಕ್ಸ್, ಹುರಿದ ಜೀರಿಗೆ, ಮೆಣಸಿನ ಪುಡಿ, ಬೆಳ್ಳುಳ್ಳಿ ಸ್ವಲ್ಪ ನೀರು ಹಾಕಿ ರುಬ್ಬಿಕೊಳ್ಳಿ.
• ಪ್ಯಾನ್ ಗೆ ಎಣ್ಣೆ ಹಾಕಿ ಅದರಲ್ಲಿ ಆಲೂಗಡ್ಡೆ ಹಾಕಿ 3-4 ನಿಮಿಷ ಫ್ರೈ ಮಾಡಿ.
• ರುಬ್ಬಿದ ಪೇಸ್ಟ್ ಹಾಕಿ, ಒಣ ಮಾವಿನ ಪುಡಿ, ರುಚಿಗೆ ತಕ್ಕ ಉಪ್ಪು ಹಾಕಿ 3-4 ನಿಮಿಷ ಬಿಸಿ ಮಾಡಿ. ನಂತರ ಸ್ವಲ್ಪ 1/4 ಕಪ್ ನೀರು ಹಾಕಿ 5 ನಿಮಿಷ ಸಾಧಾರಣ ಉರಿಯಲ್ಲಿ ಬೇಯಿಸಿ.
• ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ಬೇಬಿ ಆಲೂ ಫ್ರೈ ತಯಾರಾಗುತ್ತದೆ.