ಬೇಕಾಗುವ ಪದಾರ್ಥಗಳು...

• ಬೇಯಿಸಿದ ಆಲೂ ಗಡ್ಡೆ- ಸ್ವಲ್ಪ
  
• ಮೈದಾಹಿಟ್ಟು- 4 ಚಮಚ
• ಕಡಲೆಹಿಟ್ಟು - 4 ಚಮಚ
• ರವೆ - ಕಾಲು ಬಟ್ಟಲು
• ಶುಂಠಿ - ಸ್ವಲ್ಪ
• ಬೆಳ್ಳುಳ್ಳಿ-6
• ಕೊತ್ತಂಬರಿ ಸೊಪ್ಪು- ಸ್ವಲ್ಪ
• ಪುದೀನ - ಸ್ವಲ್ಪ
• ಗರಂ ಮಸಾಲೆ - ಸ್ವಲ್ಪ
• ಜೀರಿಗೆ - ಸ್ವಲ್ಪ
• ಹಸಿ ಮೆಣಸಿನಕಾಯಿ - 3
• ಉಪ್ಪು - ರುಚಿಗೆ ತಕ್ಕಷ್ಟು
• ಎಣ್ಣೆ - ಕರಿಯಲು

• ಮೊದಲು ಶುಂಠಿ, ಬೆಳ್ಳುಳ್ಳಿ, ಕೊತ್ತಂಬರಿ ಸೊಪ್ಪು ಹಾಗೂ ಪುದೀನ, ಗರಂ ಮಸಾಲೆ, ಅರ್ಧ ಚಮಚ ಜೀರಿಗೆ, ಹಸಿಮೆಣಸಿನ ಕಾಯಿ ಎಲ್ಲವನ್ನೂ ಜಾರ್ ಗೆ ಹಾಕಿ ತರಿತರಿಯಾಗಿ ರುಬ್ಬಿಕೊಳ್ಳಬೇಕು.
• ಮತ್ತೊಂದೆಡೆ ಒಂದು ಪಾತ್ರೆಯಲ್ಲಿ ಬೇಯಿಸಿಕೊಂಡ ಆಲೂಗಡ್ಡೆ, ಉಪ್ಪು, ಕಡಲೆ ಹಿಟ್ಟು ಹಾಗೂ ರುಬ್ಬಿದ ಮಿಶ್ರಣವನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಬೇಕು.
• ಮತ್ತೊಂದು ಪಾತ್ರೆಯಲ್ಲಿ ಮೈದಾಹಿಟ್ಟಿಗೆ ನೀರು ಸೇರಿಸಿ ತೆಳ್ಳಗೆ ಮಾಡಿಕೊಳ್ಳಬೇಕು. ಆಲೂಗಡ್ಡೆಯ ಮಿಶ್ರಣವನ್ನು ಮೈದಾಹಿಟ್ಟಿನಲ್ಲಿ ಅದ್ದಿ ನಂತರ ರವೆಯಲ್ಲಿ ಹೊರಳಿಸಿ ಒಂದು ತಟ್ಟೆಯಲ್ಲಿಟ್ಟುಕೊಳ್ಳಬೇಕು.
• ನಂತರ ಒಲೆಯ ಮೇಲೆ ಬಾಣಲೆ ಇಟ್ಟು. ಎಣ್ಣೆ ಹಾಕಿ ಚೆನ್ನಾಗಿ ಕಾಯಲು ಬಿಡಬೇಕು.
• ಎಣ್ಣೆ ಕಾದ ನಂತರ ಉಂಡೆ ಮಾಡಿಕೊಂಡ ಆಲೂ ಮಿಶ್ರಣವನ್ನು ಹಾಕಿ ಚಿನ್ನದ ಬಣ್ಣ ಬರುವವರೆಗೆ ಕರಿದರೆ ಆಲೂ ಕಬಾಬ್ ತಯಾರಾಗುತ್ತದೆ.