ಪೇಣಿ ಕರ್ನಾಟಕ ಸೇರಿದಂತೆ ದಕ್ಷಿಣ ಭಾರತದ ಹಲವು ಭಾಗಗಳಲ್ಲಿ ಜನಪ್ರಿಯವಾಗಿರುವ ಸಾಂಪ್ರದಾಯಿಕ ಸಿಹಿತಿಂಡಿ. ತೆಳುವಾದ ಪದರಗಳಿಂದ ತಯಾರಾಗುವ ಈ ಪೇಣಿ ಬಾಯಲ್ಲಿ ಇಟ್ಟರೆ ಕರಗುವಷ್ಟು ಮೃದುವಾಗಿಯೂ, ಗರಿಗರಿಯಾಗಿಯೂ ಇರುತ್ತದೆ. ಹಬ್ಬ, ಮದುವೆ ಹಾಗೂ ವಿಶೇಷ ಸಂದರ್ಭಗಳಲ್ಲಿ ಇದನ್ನು ಸವಿಯಬಹುದು.

ಬೇಕಾಗುವ ಪದಾರ್ಥಗಳು...

• ಮೈದಾ – 2 ಬಟ್ಟಲು

• ಕಾರ್ನ್ ಫ್ಲೋರ್- ಸ್ವಲ್ಪ

• ತುಪ್ಪ – ಅರ್ಧ ಬಟ್ಟಲು

• ಎಣ್ಣೆ- ಅರ್ಧ ಬಟ್ಟಲು

• ಉಪ್ಪು – ಚಿಟಿಕೆ

• ನೀರು – ಅಗತ್ಯವಿರುವಷ್ಟು

• ಎಣ್ಣೆ – ಕರಿಯಲು

ಮಾಡುವ ವಿಧಾನ...

• ಪಾತ್ರೆಯಲ್ಲಿ ಮೈದಾ, ಚಿಟಿಕೆ ಉಪ್ಪು ಮತ್ತು ಎರಡು ಚಮಚ ತುಪ್ಪ ಹಾಕಿ ಚೆನ್ನಾಗಿ ಮೃದುವಾಗಿ ಹಿಟ್ಟನ್ನು ಕಲಸಿಟ್ಟುಕೊಳ್ಳಿ. 10 ನಿಮಿಷದ ನಂತರ ದೊಡ್ಡ-ದೊಡ್ಡೆ ಉಂಡೆಗಳಾಗಿ ಮಾಡಿಟ್ಟುಕೊಳ್ಳಿ.

• ಬಳಿಕ ಅಗಲವಾದ ತಟ್ಟೆಗೆ ತುಪ್ಪ, ಎಣ್ಣೆ ಹಾಕಿ ಮಿಶ್ರಣ ಮಾಡಿ. ನಂತರ ಕಾರ್ನ್ ಫ್ಲೋರ್ ಹಾಕಿ ಮಿಶ್ರಣ ಮಾಡಿ.

• ಮೈದಾ ಹಿಟ್ಟಿನ ಉಂಡೆಯನ್ನು ಮಧ್ಯೆ ಹಳ್ಳ ಮಾಡಿ, ಅಗಲ ಮಾಡಿ ಎಣ್ಣೆ ಹಾಗೂ ತುಪ್ಪದಲ್ಲಿ ಇಟ್ಟು 5-10 ನಿಮಿಷ ನೆನೆಯಲು ಬಿಡಿ.

• ನಂತರ ಇದನ್ನು ಸ್ಪೈರಲ್ ರೀತಿ ಮಡಚಿ 5-10 ನಿಮಿಷ ನೆನೆಯಲು ಬಿಡಿ, ಈ ರೀತಿ 18 ಬಾರಿ ಮಾಡಿ. ಕೊನೆಯಲ್ಲಿ ಇದು ಲೇಯರ್, ಲೇಯರ್ ರೀತಿ ಸಿದ್ಧಗೊಳ್ಳುತ್ತದೆ.

• ಇದೀಗ ಒಲೆಯ ಮೇಲೆ ಬಾಣಲೆ ಇಟ್ಟು, ಎಣ್ಣೆ ಹಾಕಿ ಕಾಯಿಸಿ, ಹಿಟ್ಟನ್ನು ನಿಧಾನವಾಗಿ ಬಿಟ್ಟು, ಫೋರ್ಕ್ ತೆಗೆದುಕೊಂಡು ನಿಧಾನವಾಗಿ ಸಣ್ಣ ಉರಿಯಲ್ಲಿ ತಿರುಗಿಸಿ, ಕೆಂಪಗಾಗುವವರೆಗೆ ಎರಡೂ ಬದಿಯಲ್ಲಿ ಗರಿ ಗರಿಯಾಗುವವರೆಗೆ ಕರಿಯಿಸಿ,

• ತಣ್ಣಗಾದ ಬಳಿಕ ಮೇಲಿನಿಂದ ಪೇಣಿ ಹಾಲು ಹಾಕಿ ಸವಿಯಿರಿ.

ಟಿಪ್ಸ್...

• ಹಿಟ್ಟನ್ನು ತುಂಬಾ ಮೃದುವಾಗಿ ಕಲಸಬೇಡಿ, ಸ್ವಲ್ಪ ಗಟ್ಟಿಯಾಗಿದ್ದರೆ ಪದರಗಳು ಚೆನ್ನಾಗಿ ಬರುತ್ತವೆ.

• ಎಣ್ಣೆ ಹಾಗೂ ತುಪ್ಪುದಲ್ಲಿ ಎಷ್ಟು ನಿಮಿಷ ನೆನೆಸಿಡುತ್ತೀರೋ ಪೇಣಿ ಅಷ್ಟು ಚೆನ್ನಾಗಿರುತ್ತದೆ.

• ಕಡಿಮೆ ಅಥವಾ ಮಧ್ಯಮ ಉರಿಯಲ್ಲಿ ಕರಿದರೆ ಒಳಗಿನ ಪದರಗಳೂ ಚೆನ್ನಾಗಿ ಬೇಯುತ್ತವೆ.