ಹೀಗೆ ಮಾಡಿ: ಮೊದಲು ಸಾಲಂಬ ಶೀರ್ಷಾಸನ ಸ್ಥಿತಿಗೆ ಬನ್ನಿ. ಬಳಿಕ ಬಲಪಾದವನ್ನು ಎಡತೊಡೆಯ ಮೇಲೆ, ಎಡಪಾದವನ್ನು ಬಲತೊಡೆಯ ಮೇಲೆ ಸೇರಿಸಿ (ಪದ್ಮಾಸನ ಸ್ಥಿತಿ). ಮಂಡಿಗಳು ಪರಸ್ಪರ ಒತ್ತಿಕೊಂಡು ತೊಡೆಗಳು ನೇರವಾಗಿರಬೇಕು. ಈ ಸ್ಥಿತಿಯಲ್ಲಿ ಆಳವಾಗಿ ಮತ್ತು ಸಮನಾಗಿ ಉಸಿರಾಡುತ್ತ ಅರ್ಧ ನಿಮಿಷದವರೆಗೂ ಇರಲು ಪ್ರಯತ್ನಿಸಿ. ನಂತರ ಕಾಲುಗಳನ್ನು ಬಿಚ್ಚಿ ಶೀರ್ಷಾಸನ ಸ್ಥಿತಿಗೆ ಮರಳಬೇಕು. ಬಳಿಕ ಮತ್ತೆ ಕಾಲುಗಳನ್ನು ಬದಲಾಯಿಸಿ ಪದ್ಮಾಸನ ಸ್ಥಿತಿಗೆ ಬರಬೇಕು. ಮತ್ತೆ ಅರ್ಧ ನಿಮಿಷದವರೆಗೂ ಇರಬೇಕು. ಬಳಿಕ ಕಾಲುಗಳನ್ನು ಬಿಚ್ಚಿ ಶೀರ್ಷಾಸನ ಸ್ಥಿತಿಗೆ ಬಂದು, ಸಹಜ ಸ್ಥಿತಿಗೆ ಮರಳಬೇಕು.
ಪ್ರಯೋಜನ: ಈ ಆಸನ ಮಾಡುವುದರಿಂದ ಎದೆ ಹಿಗ್ಗುವುದು. ಅಲ್ಲದೆ ದೇಹಕ್ಕೆ ಚೈತನ್ಯ ದೊರೆಯುವುದು.