ದಪ್ಪಗಿದ್ದೀರಿ ಎಂದು ಕೀಳರಿಮೆ ಬೇಡ. ಲೈಪೋಸಕ್ಷನ್ ಸರ್ಜರಿಯಿಂದ ಬರ್ಜರಿ ಕೊಬ್ಬಿನಾಂಶ ಹೊರ ತೆಗೆಯಬಹುದು. ನಿಮ್ಮ ಬಾಡಿಗೊಂದು ಶೇಪ್ ನೀಡಬಹುದು.

ಆಕರ್ಷಕ ರೂಪ ಯಾರ ಸ್ವತ್ತೂ ಅಲ್ಲ. ಆದರೆ ಬೊಜ್ಜು, ದಪ್ಪ ತುಟಿ, ಕಣ್ಣಿನ ಕೇಳಗಿನ ಚೀಲ ಉಬ್ಬುವುದು, ದಪ್ಪ ತೊಡೆ, ಕೈ ತೋಳು, ಅತಿ ಗಾತ್ರದ ಸೊಂಟ ಮತ್ತು ಹೊಟೆ...ಹೀಗೆ ಒಟ್ಟಿನಲ್ಲಿ ಯಾವುದಾದರೊಂದು ವಿರೂಪಕ್ಕೆ ದೇಹ ಒಡ್ಡಿಕೊಂಡಾಗ ಆಗುವ ಕಸಿವಿಸಿ ಅಷ್ಟಿಷ್ಟಲ್ಲ. ದೇಹ ಸ್ಥೂಲವಾಗಿದ್ದರೆ ಬೊಜ್ಜಿದೆ ಎನ್ನುತ್ತಾರೆ. ಆದರೆ, ನಿಜವಾಗಿ ದೇಹದ ತೂಕಕ್ಕೆ ಶೇ.35ರಷ್ಟು ತೂಕವನ್ನು ವ್ಯಕ್ತಿ ಹೆಚ್ಚು ಪಡೆದುಕೊಂದಲ್ಲಿ ಮಾತ್ರ ಅದನ್ನು ಬೊಜ್ಜೆನ್ನಬಹುದು.
ಆರೋಗ್ಯವಂತ ಮನುಷ್ಯನ ಬದುಕಿನಲ್ಲಿ ಪ್ರಮುಖ ಪಾತ್ರವಹಿಸುವ ಸ್ಥಿರವಾದ ದೇಹದ ತೂಕ ಪಡೆಯುವುದು ಸುಲಭವಲ್ಲ. ಶಕ್ತಿಯ ಉತ್ಪಾದನೆ ಮತ್ತು ಅದನ್ನು ವ್ಯಯಿಸುವ ನಡುವಿನ ಸಂತುಲನ ಸರಿಯಾಗಿದ್ದರೆ ಮಾತ್ರ ಅದು ಆರೋಗ್ಯವಂತ ದೇಹ ಎನ್ನಬಹುದು.

ಬೊಜ್ಜಿಗೇನು ಕಾರಣಗಳು?

• ವಂಶವಾಹಿನಿ
• ದೇಹದ ಶಕ್ತಿಯ ಉತ್ಪಾದನೆ ಮತ್ತು ಅದರ ವ್ಯಯದಲ್ಲಿ ವ್ಯತ್ಯಾಸವಾದಾಗ.
• ಮಾನಸಿಕ ಒತ್ತಡ, ಖಿನ್ನತೆ ಮತ್ತು ಥೈರಾಯಿಡ್ ಸಮಸ್ಯೆಗಳು
• ಸೇವಿಸುವ ಆಹಾರ
• ಸೋಮಾರಿತನ, ದಿನಚರಿ, ಆಧುನಿಕ ಸವಲತ್ತುಗಳು ಅಥವಾ ಜೀವನ ಶೈಲಿ
• ಅಂಕುಡೊಂಕಿದ್ದರೂ ಸರಿಪಡಿಸಬಹುದು