ಇದರ ಬಗ್ಗೆ ಹಾಗೆ ಹಾಗೆಲ್ಲಾ ಬಹಿರಂಗವಾಗಿ ಹೇಳುವಂತಿಲ್ಲ ನೋಡಿ. ಆದರೆ ಹೇಳದಿದ್ದರೆ ಗೊತ್ತಾಗುವುದು ಹೇಗೆ? ಕಲಿಸಿಕೊಡದೇ ಬರುವ ವಿದ್ಯೆ ಇದೊಂದೇ ಆದ್ರೂ, ಹೇಳಿ ಕಲಿಸಿದರೆ ಅದರಲ್ಲಿ ಮತ್ತಷ್ಟು ಪರಿಪೂರ್ಣವಾಗಬಹುದು ಅಲ್ವಾ. ತಗೊಳಿ, ಅಗ್ದೀ ರಸಮಯ ಸಲ್ಲಾಪಕ್ಕೆ ಒಂದಿಷ್ಟು ನಾಟೀ ಟಿಪ್ಸು...

•      ಸಂಗಾತಿಯನ್ನು ನಿಮ್ಮ ಹಿಡಿತಕ್ಕೆ ಸಿಗುವಂತೆ ಕೆಳಗೆ ಮಲಗಿಸಿ, ಪೂರ್ತಿ ಅವಳ ಮೈ ಆವರಿಸಿ. ದೇಹವನ್ನು ಹಿತವಾಗಿ ಸ್ಪರ್ಶಿಸುತ್ತ, ಚುಂಬಿಸಿ. ಅವಳಲ್ಲಿನ ಭಾವಪ್ರಾಪ್ತಿಯ ತೀವ್ರತೆ ಹಿಂದೆಂದಿಗಿಂತಲೂ ಹೆಚ್ಚಾಗುತ್ತದೆ.
•     ಪ್ರಾರಂಭದಲ್ಲಿ ಇಬ್ಬರೂ ಪ್ರತ್ಯೇಕವಾಗಿ ನಿಮ್ಮ ನಿಮ್ಮ ದೇಹವನ್ನು ಮೋಹಿಸಿಕೊಳ್ಳಿ. ಸುಖದ ಪುಸ್ತಕದಲ್ಲಿ ಆವತ್ತಿನದು ಸುವರ್ಣ ಅಧ್ಯಾಯ.
•  ಇದು ತುಂಬ್ ತುಂಬಾ ಸ್ವೀಟ್ ಹಾರ್ಟ್ ಉಳ್ಳವರಿಗೆ. ಬೆಡ್‌ರೂಮಿಗೆ ಹೋಗುವಾಗ ಹಾಲು ಹಣ್ಣು ತಾಂಬೂಲಗಳ ಜತೆ ಚಾಕಲೇಟ್, ಸಾಸ್ ಅನ್ನೂ ಒಯ್ದು ಸ್ಪರ್ಶಸುಖಕ್ಕೆ ಲೇಪನದ ರಂಗನ್ನೂ ಸೇರಿಸಿಕೊಳ್ಳಬಹುದು.
•      ಸಲ್ಲಾಪಕ್ಕೆ ಬೆಡ್‌ರೂಮೇ ಆಗ್ಬೇಕು ಅಂತ ಯಾವ್ದಾರಾ ರೂಲ್ಸ್ ಇದ್ಯಾ? ಅಡುಗೆ ಮನೆಯನ್ನೂ ಬಳಸಿಕೊಳ್ಳಬಹುದು. ನಿಮಗೆ ಹಿತಾನುಭವ ನೀಡುವ ಸ್ಥಳಗಳಲ್ಲಿ ನಿಮ್ಮದೇ ಲೋಕದಲ್ಲಿ ತೇಲಾಡಬಹುದು.
•    ಚೇಂಜ್ ಬೇಕು ಅಂತೀವಲ್ಲಾ, ದೇಹದಾಟವೂ ಬೋರ್ ಅನ್ನಿಸೋ ವಿಪರ್ಯಾಸ ಸಂಭವಿಸೋಕೂ ಮುನ್ನವೇ ಎಚ್ಚೆತ್ತು, ಸ್ವಲ್ಪ ಕ್ರಿಯೇಟಿವ್ ಆಗಿ ಇಬ್ಬರೂ ಯೋಚಿಸಬಹುದು. ಮೇಲು- ಕೆಳಗುಗಳ ಹಂಗು ತೊರೆದು ಹೊಸತಾವುದೋ ಆಸನವನ್ನು ಕಂಡು ಹಿಡಿದು ವಾತ್ಸಾಯನನಿಗೆ ಪತ್ರ ಬರೆಯಬಹುದು!
•   ಕಾಮಕ್ಕೂ ಮನಸ್ಸಿನ ಒತ್ತಡಕ್ಕೂ ಆಗಿ ಬರೋದಿಲ್ಲ. ಹಾಗಾಗಿ ಪರಸ್ಪರ ಇಬ್ಬರೂ ಆತ್ಮೀಯವಾಗಿ, ಮನಸಾರೆ ಬೆರೆತಷ್ಟೂ ಒಳ್ಳೆಯದು. ಸೇರುವುದಕ್ಕೂ ಮುನ್ನ ಒಂದಿಷ್ಟು ಲೈಕು, ಕಮೆಂಟುಗಳ ವಿನಿಮಯವಾದರೆ ನೆಕ್ಸ್ಟ್ ಸ್ಟಾಪಿನಲ್ಲೇ ಖುಷಿ ನಿಮ್ಮ ಕೈ ಹಿಡಿಯಬಹುದು.
•      ಎಣಿಸಿಕೊಂಡಂತೆ ಇದು ಬರೆ ದೇಹದಾಟವಷ್ಟೇ ಅಲ್ಲ. ಸೌಂದರ್ಯ ಸಮರವೂ ಹೌದು. ನೀಟ್ ಅನ್ನಿಸುವಂತೆ ಇಬ್ಬರೂ ಇದ್ದಷ್ಟೂ ಗಾಢ ನಂಟು ನಿಮ್ಮದಾಗುತ್ತದೆ. ದೇಹಕ್ಕಿಂತ ಮೊದಲು ಹಾಗೂ ಮಿಗಿಲು ಮನಸುಗಳು ಬೆರೆಯುವುದು. ಸೋ, ಇಬ್ಬರ ಗಮನವೂ ಮನಸಿನೆಡೆಗಿರುವುದೊಳಿತು.
•     ಈ ಸಲಹೆ, ಪುರುಷರಿಗೆ ಮಾತ್ರ. ಅವಳ ಕತ್ತು, ಕತ್ತಿನ ಹಿಂಭಾಗ, ಕಿಬ್ಬೊಟ್ಟೆಗಳೆಲ್ಲ ಸ್ಪರ್ಶಸುಖದ ತುರೀಯ ಸ್ಥಾನಗಳು.
•      ಇವತ್ತಿಗೆ, ಈ ಹೊತ್ತಿಗೆ ಅವಳೇ ಸರ್ವಾಧಿಕಾರಿಣಿ ಗಂಡಸರೇ, ನಿಮ್ಮ ದೇಹವನ್ನು ಸಂಪೂರ್ಣ ನಿಮ್ಮ ಸಂಗಾತಿಯ ವಶಕ್ಕೆ ಬಿಟ್ಟುಬಿಡಿ. ಚಿಂತೆ ಬೇಡ, ಇವತ್ತಿನ ಗೆಲುವನ್ನು ನೀವು ಯಾವತ್ತೂ ಮರೆಯಲಾರಿರಿ
• ಇನ್ನು ಡ್ರೆಸ್ಸು, ತಿಂಡಿ, ತೀರ್ಥದ ವಿಚಾರವನ್ನೆಲ್ಲಾ ಇಲ್ಲಿ ಹೇಳಿಲ್ಲ. ಒಟ್ಟಿನಲ್ಲಿ ನಿಮ್ಮಿಷ್ಟದ, ಇಬ್ಬರ ಮನಸಿಗೂ ಮುದ ನೀಡುವ ವಾತಾವರಣ, ಜಾಗ ಅಲ್ಲಿರಲಿ. ಕಾಮ ತನ್ನಿಂತಾನೇ ಸಂಭವಿಸಲಿ. ಪರಸ್ಪರರು ಅರಿತು, ಬೆರೆತು ಜಗವನ್ನೇ ಮರೆತು ಬಿಡಿ. ಇದನ್ನೇ ತಾನೇ ಕಾಮವೆನ್ನುವುದು, ಭಾವ ಪ್ರಾಪ್ತಿಯೆನ್ನುವುದು.