ನ್ಯೂಯಾರ್ಕ್: ಇತ್ತೀಚಿನ ದಿನಗಳ ಜನಪ್ರಿಯ ಹಾಡುಗಳಲ್ಲಿ ಸೆಕ್ಸ್ ಎಂಬ ಶಬ್ದವನ್ನು ಹೆಚ್ಚು ಸ್ಪಷ್ಟವಾಗಿ ಉಲ್ಲೇಖಿಸಲಾಗುತ್ತಿರುವ ಬಗ್ಗೆ ವರದಿ ಪ್ರಕಟವಾಗಿದೆ.
ಅಮೆರಿಕಾ ಮೂಲದ ಕಂಟೆಂಟ್ ಮಾರ್ಕೆಟಿಂಗ್ ಸಂಸ್ಥೆ ಫ್ರಾಕ್ಟಲ್ ಈ ಸಮೀಕ್ಷೆ ನಡೆಸಿದ್ದು 1960 ರಿಂದ ಅತಿ ಹೆಚ್ಚು ಬಾರಿ ಪ್ರಕಟಗೊಂಡ ಹಾಡುಗಳಲ್ಲಿ ಸೆಕ್ಸ್ ಎಂಬ ಪದ ಬಳಕೆ ಅತಿ ಹೆಚ್ಚಾಗಿದ್ದು 2009 ರಲ್ಲಿ 1 ,500 ಬಾರಿ ಬಳಕೆಯಾಗಿದೆ.
'ಪ್ರೀತಿ' ಪದದ ಬಳಕೆ ಗಣನೀಯವಾಗಿ ಕಡಿಮೆಯಾಗಿದೆ, ಅತಿ ಜನಪ್ರಿಯಗೊಂಡ ಹಾಡುಗಳ ಸಾಹಿತ್ಯದ ಬಗ್ಗೆ ವಿಶ್ಲೇಷಣೆ ನೀಡಿರುವ ಫ್ರಾಕ್ಟಲ್, ಪ್ರತಿ ಹಾಡಿನಲ್ಲೂ ಲವ್ ಹಾಗೂ ಸೆಕ್ಸ್ ಪದಗಳ ಬಳಕೆಯನ್ನು ಎಣಿಕೆ ಮಾಡಿ ಈ ವರದಿ ಬಹಿರಂಗಪಡಿಸಿದೆ.
ಲೈಂಗಿಕ ಪ್ರಚೋದಕ ಸಂಗೀತವನ್ನು ಮಾಡುತ್ತಿರುವ ಹೆಚ್ಚು ಕಲಾವಿದರು ಬಹುತೇಕ ರಿದಮ್ ಮತ್ತು ಬ್ಲೂಸ್ ಪ್ರಕಾರದಲ್ಲಿ ತೊಡಗಿದ್ದಾರೆ ಎಂದು ವರದಿ ತಿಳಿಸಿದೆ. ಸ್ಮಾರ್ಟ್ ಫೋನ್ ಹಾಗೂ ಎಂಪಿ 3 ಪ್ಲೇಯರ್ ಗಳ ಮೂಲಕ ಮಾಧ್ಯಮ ಬಳಕೆಯಾಗುತ್ತಿರುವುದು ಸಹ ಹಾಡುಗಳಲ್ಲಿ ಲವ್ ಇಲ್ಲ ಬರೀ ಸೆಕ್ಸ್ ಪದ ಬಳಕೆಯಾಗಲು ಕಾರಣ ಎಂದು ಹೇಳಲಾಗಿದೆ.