ಕಲಬುರ್ಗಿ: ಕಲಬುರ್ಗಿ ಜಿಲ್ಲೆ ಸೇಡಂ ನಗರದಲ್ಲಿನ ಜೂಜಿನ ಅಡ್ಡೆಗಳ ಮೇಲೆ ದಾಳಿ ನಡೆಸಿದ ಪೋಲೀಸರು 17 ಜನರನ್ನು ಬಂಧಿಸಿದ್ದಲ್ಲದೆ ಬರೋಬ್ಬರಿ 7.52ಲಕ್ಷ ರೂ. ಗಳನ್ನು ವಶಕ್ಕೆ ಪಡೆದಿದ್ದಾರೆ. ಬಂಧಿತರ ಬಳಿ ಇದ್ದ 8 ಬೈಕ್, 2 ಕಾರು ಮತ್ತು 18 ಮೊಬೈಲ್ ಗಳನ್ನು ಸಹ ಪೋಲೀಸರು ವಶಪಡಿಸಿಕೊಂಡಿದ್ದಾರೆ.

ಇಷ್ಟು ಭಾರೀ ಮೊತ್ತದ ಜೂಜಿನ ಹಣವನ್ನು ಜಪ್ತಿ ಮಾಡಿರುವುದು ಕಲಬುರ್ಗಿ ಜಿಲ್ಲೆಯಲ್ಲಿ ಇದೇ ಮೊದಲ ಬಾರಿಯಾಗಿದೆ ಎಂದು ಐಜಿಪಿ ಅಲೋಕ್‌ ಕುಮಾರ್‌ ತಿಳಿಸಿದ್ದಾರೆ.  ಇದಲ್ಲದೆ ಅಕ್ರಮವಾಗಿ ಲೇವಾದೇವಿ ವ್ಯವಹಾರ ನಡೆಸುತ್ತಿದ್ದ ಕಲಬುರ್ಗಿ ನಗರದ ನಾಲ್ವರನ್ನು ಬಂಧಿಸಿದ್ದು 49.17ಲಕ್ಷ ರೂ. ಗಳನ್ನು ಜಪ್ತಿ ಮಾಡಲಾಗಿದೆ ಎಂದು ಅವರು ತಿಳಿಸಿದರು.