ಬೆಂಗಳೂರು: ಈ ಶೈಕ್ಷಣಿಕ ವರ್ಷದಲ್ಲಿ ಪದವಿಪೂರ್ವ ತರಗತಿಗಳು ನಿಗದಿತ ಅವಧಿಗಿಂತ ಒಂದು ವಾರಕ್ಕೆ ಮೊದಲೇ ಆರಂಭವಾಗಲಿದೆ. ಸಾಮಾನ್ಯವಾಗಿ ಶಾಲೆ-ಕಾಲೇಜುಗಳು ಜೂನ್ ಮೊದಲ ವಾರದಲ್ಲಿ ಆರಂಭವಾಗುತ್ತದೆ. ಆದರೆ ಈ ವರ್ಷ ದ್ವಿತೀಯ ಪಿಯುಸಿ ತರಗತಿಗಳು ಮೇ 2ಕ್ಕೆ ಮತ್ತು ಮೊದಲ ಪಿಯುಸಿ ತರಗತಿಗಳು ಮೇ 14ಕ್ಕೆ ಆರಂಭವಾಗಲಿದೆ.

ವಿದ್ಯಾರ್ಥಿಗಳನ್ನು ಶೈಕ್ಷಣಿಕವಾಗಿ ಮೊದಲೇ ಸಜ್ಜುಗೊಳಿಸಲು ಮತ್ತು ಖಾಸಗಿ ಕಾಲೇಜುಗಳ ಜೊತೆ ಸಮಾನವಾಗಿ ತರಲು ಪದವಿಪೂರ್ವ ಶಿಕ್ಷಣ ಇಲಾಖೆ ಈ ಕ್ರಮ ಕೈಗೊಳ್ಳುತ್ತಿದೆ.
 
ತರಗತಿ ಬೇಗ ಆರಂಭವಾಗಲು ಇನ್ನೊಂದು ಮುಖ್ಯ ಕಾರಣ ಈ ಬಾರಿ ಚುನಾವಣೆ ಇರುವುದರಿಂದ ಪಿಯುಸಿ ಪರೀಕ್ಷೆಗಳು ಬೇಗನೆ ಮುಗಿದಿದ್ದವು. ಮೊದಲ ಪಿಯುಸಿ ಪರೀಕ್ಷೆ ಈ ವರ್ಷ ಫೆಬ್ರವರಿ 21ಕ್ಕೆ ಮುಗಿಯಿತು ವಿದ್ಯಾರ್ಥಿಗಳಿಂದ 69 ದಿನಗಳ ಬೇಸಿಗೆ ರಜೆ ಸಿಕ್ಕಿದೆ ಎನ್ನುತ್ತಾರೆ ಪದವಿಪೂರ್ವ ಶಿಕ್ಷಣ ಇಲಾಖೆಯ ನಿರ್ದೇಶಕಿ ಸಿ.ಶಿಖಾ.