ಮಧ್ಯಾಹ್ನ 12.15 ಸುಮಾರಿಗೆ ಮುಖ್ಯಮಂತ್ರಿಗಳನ್ನು ಭೇಟಿಯಾಗಬೇಕೆಂದು ಉದ್ಯಮಿ ಗಂಗಾಧರ್ (38)ಎಂಬುವವರು ಬಂದಿದ್ದರು. ಕೆಂಗಲ್ ಹನುಮಂತಯ್ಯ ಗೇಟ್ ಬಳಿ ಕಾದು ನಿಂತಿದ್ದರು. ಕಾರಿನಲ್ಲಿ ಕುಳಿತುಕೊಂಡೇ ಗಂಗಾಧರ್ ಅವರು ಇದ್ದಕ್ಕಿದ್ದಂತೆ ವಿಷ ಸೇವಿಸಿದರು. ಇದನ್ನು ನೋಡಿದ ಸ್ಥಳೀಯರು ಕೂಡಲೇ ಮಾಹಿತಿ ನೀಡಿದ್ದರು. ಬಳಿಕ ವ್ಯಕ್ತಿಯನ್ನು ಮಲ್ಲಿಗೆ ಆಸ್ಪತ್ರೆಗೆ ದಾಖಲು ಮಾಡಲಾಯಿತು. ವ್ಯಕ್ತಿತ ಸ್ಥಿತಿ ಇದೀಗ ಗಂಭೀರವಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ. 

ತಪ್ಪಿತಸ್ಥರ ವಿರುದ್ದ ಕ್ರಮಕೈಗೊಳ್ಳುವ ಸಲುವಾಗಿ ವ್ಯಕ್ತಿಯ ಹೇಳಿಕೆ ದಾಖಲಿಸಿಕೊಳ್ಳಲು ಕಾಯಲಾಗುತ್ತಿದೆ. ಕೆಲಸವೊಂದನ್ನು ಮಾಡಿಕೊಡುವ ಸಲುವಾಗಿ ಉದ್ಯಮಿ ಶಾಸಕರೊಬ್ಬರಿಗೆ ರೂ.1 ಕೋಟಿ ಹಣವನ್ನು ನೀಡಿದ್ದು, ಹಣ ಪಡೆದ ಬಳಿಕ ಶಾಸಕ ವ್ಯಕ್ತಿಯನ್ನು ನಿಯಂತ್ರಿಸಿದ್ದಾರಲ್ಲದೆ, ನೀಡಿದ್ದ ಭರವಸೆ ಈಡೇರಿಸುವಲ್ಲಿ ವಿಫಲರಾಗಿದ್ದಾರೆ. ಕೆಲಸ ಮಾಡಿಕೊಡದಿರುವುದಕ್ಕೆ ಹಣವನ್ನು ಹಿಂತಿರುಗಿಸಿಲ್ಲ. ಇದರಿಂತ ಚಿಂತಿತರಾಗಿದ್ದ ಉದ್ಯಮಿ ಆತ್ಮಹತ್ಯೆಗೆ ಯತ್ನ ನಡೆಸಿದ್ದಾರೆಂದು ಪ್ರಾಥಮಿಕ ತನಿಖೆ ವೇಳೆ ತಿಳಿದುಬಂದಿದೆ ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.