ಬೆಂಗಳೂರು: ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸತತ ಐದು ಚಿನ್ನದ ಪದಕಗಳನ್ನು ಗೆಲ್ಲುವ ಮೂಲಕ ಭಾರತದ ಸ್ಟಾರ್ ಓಟಗಾರ್ತಿ ಹಿಮಾ ದಾಸ್ ದೇಶದ ಪಾತಾಕೆಯನ್ನು ಎತ್ತರಕ್ಕೆ ಹಾರಿಸಿದ್ದಾರೆ. ಇನ್ನು ನಮ್ಮ ಬೆಂಗಳೂರಿನ ಬನ್ನೇರುಘಟ್ಟ ಉದ್ಯಾನವನದಲ್ಲಿ ಹಿಮಾದಾಸ್ ಹೆಸರಿನ ಮರಿ ಟೈಗರ್ ಇದೆ. 

ಬನ್ನೇರುಘಟ್ಟದ ಜೈವಿಕ ಉದ್ಯಾನವನದಲ್ಲಿನ ಆರು ತಿಂಗಳ ರಾಯಲ್ ಬೆಂಗಾಲ್ ಟೈಗರ್ ಗೆ ವಿಶ್ವ ಹುಲಿ ದಿನಾಚರಣೆಯಂದೆ ಹಿಮಾದಾಸ್ ಹೆಸರನ್ನು ನಾಮಕರಣ ಮಾಡಿ ಗೌರವ ಸಲ್ಲಿಸಿದ್ದಾರೆ.

ವಿಶ್ವ ಹುಲಿ ದಿನಾಚರಣೆಯಂದು ಸಾರ್ವಜನಿಕರ ವೀಕ್ಷಣೆಗೆಂದು 8 ಹುಲಿಗಳನ್ನು ಸಪಾರಿಗೆ ಬಿಟ್ಟಿದ್ದೇವು. ತಾಯಿ ಹುಲಿ ಸೇರಿ 7 ಮರಿಗಳಿದ್ದು ಒಂದಕ್ಕೆ ಹಿಮಾದಾಸ್ ಹೆಸರನ್ನು ಇಡಲಾಗಿದೆ ಎಂದು ನವಶ್ರೀ ವಿಪಿನ್ ಸಿಂಗ್ ತಿಳಿಸಿದ್ದಾರೆ.