ಬೆಂಗಳೂರು: ವಿಭಿನ್ನವಾಗಿ ವಿಡಿಯೋ ಕಾಲ್ ನಲ್ಲಿ ಸಲಹೆ ಪಡೆದು ಅಂಗಡಿ ಕಳ್ಳತನ ಮಾಡುತ್ತಿದ್ದ ಯುವಕನೊಬ್ಬನನ್ನು ಪೊಲೀಸರು ಬಂಧಿಸಿದ್ದಾರೆ.
23ವರ್ಷ ಪ್ರಾಯದ ನಾಗವಾರ ನಿವಾಸಿ ಸೈಯದ್ ಮುಹಮ್ಮದ್ ಫೈಸಲ್ ಬಂಧಿತ ಆರೋಪಿ.
ಈತ ನಗರದ ಹಲವೆಡೆ ವಿಡಿಯೋ ಕಾಲ್ ನಲ್ಲಿ ಅಂಗಡಿಯ ಬೀಗ ಹೇಗೆ ಮುರಿಯುವುದರ ಬಗ್ಗೆ ತನ್ನ ಸ್ನೇಹಿತನ ಸಲಹೆ ಪಡೆದು ಅಂಗಡಿ ಕಳವು ಮಾಡುತ್ತಿದ್ದ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿತ್ತು. ಅದರ ಆಧಾರದ ಮೇಲೆ ಅಶೋಕ ನಗರ ಪೊಲೀಸರು ಕಾರ್ಯಾಚರಣೆ ನಡೆಸಿದ್ದರು.
ಆರೋಪಿ ಬಂಧನದಿಂದಾಗಿ ಒಂಬತ್ತು ಪ್ರಕರಣಗಳು ಪತ್ತೆಯಾಗಿದ್ದು, ಒಂದು ಲಕ್ಷ ಮೌಲ್ಯದ ವಾಚ್‍ ಸಿಕ್ಕಿವೆ. ಅಲ್ಲದೆ ಕೃತ್ಯದಲ್ಲಿ ಭಾಗವಹಿಸಿರುವ ಇನ್ನೋರ್ವ್ ಆರೋಪಿ ವಿಕ್ರಮ್‍ಗಾಗಿ ಶೋಧ ಮುಂದುವರಿದಿದೆ ಎಂದು ಪೋಲೀಸರು ಹೇಳಿದ್ದಾರೆ.