ಬೆಳಗಾವಿ: ಇತ್ತೀಚೆಗೆ ವಿದೇಶದಿಂದ ನಗರಕ್ಕೆ ವಾಪಸಾಗಿರುವವರಲ್ಲಿ ಕೊರೋನಾ ಸೋಂಕು ಇರಬಹುದೆಂದು ತಮ್ಮ ನೆರೆಹೊರೆಯವರ ಮೇಲೆ ಬೆಳಗಾವಿ ನಿವಾಸಿಗಳು ಅನುಮಾನ ಪಡುತ್ತಿದ್ದಾರೆ.

ನಗರದ ಜಕ್ಕಿನ್ ಹೊಂಡಾದಲ್ಲಿರುವ  ಸುರೇಶ್ ಎಂಬುವರು ತಮ್ಮ ಅಪಾರ್ಟ್ ಮೆಂಟ್ ನಲ್ಲಿರುವ ಕೆಲವು ನಿವಾಸಿಗಳ ಜೊತೆ ದಿ ನ್ಯೂ ಇಂಡಿಯನ್ ಎಕ್ಸ್ ಪ್ರೆಸ್ ಪತ್ರಿಕೆ ಬಳಿ ತಮ್ಮ ಆತಂಕ ತೋಡಿಕೊಂಡಿದ್ದಾರೆ.

ತಮ್ಮ ಅಪಾರ್ಟ್ ಮೆಂಟ್ ನಲ್ಲಿರುವ ಸುಮಾರು 5 ಮನೆ ನಿವಾಸಿಗಳು ಇತ್ತೀಚೆಗೆ ವಿದೇಶದಿಂದ ಆಗಮಿಸಿದ್ದಾರೆ. ಅವರಿಗೂ ಕೊರೋನಾ ಸೋಂಕಿರಬಹುದೆಂದು ಅನುಮಾನ ವ್ಯಕ್ತ ಪಡಿಸಿದ್ದಾರೆ.

ಈ ಸಂಬಂಧ ಸ್ಥಳೀಯ ಆಡಳಿತಾಧಿಕಾರಿಗಳಿಗೆ ವಿಷಯ ತಿಳಿಸಿದ್ದು, ಶೀಘ್ರವೇ ಅವರೆಲ್ಲಾರ ಮಾಹಿತಿ ಸಂಗ್ರಹಿಸುವ ಭರವಸೆ ನೀಡಿದ್ದಾರೆ.