ಬೆಂಗಳೂರು: ಕಳೆದ 2 ವರ್ಷಗಳ ಅವಧಿಯಲ್ಲಿ ರೈಲುಗಳಲ್ಲಿ ಅಪರಾಧ ಕೃತ್ಯಗಳಲ್ಲಿ ಭಾಗಿಯಾದ ಒಟ್ಟು 7,492 ಮಂದಿಯನ್ನು ಬೆಂಗಳೂರು ರೈಲ್ವೇ ವಿಭಾಗದ ರೈಲ್ವೇ ಪೊಲೀಸ್ ಪಡೆಯಲ್ಲಿನ ವಿಶೇಷ ಶಕ್ತಿ ತಂಡ ಬಂಧಿಸುವಲ್ಲಿ ಯಶಸ್ವಿಯಾಗಿದೆ.
ಇದನ್ನೂ ಓದಿ: ಚಲಿಸುತ್ತಿದ್ದ ರೈಲಿನಿಂದ ಇಳಿಯಲೆತ್ನಿಸಿ ಕೆಳಕ್ಕೆ ಬಿದ್ದ ಮಹಿಳೆ ರಕ್ಷಣೆ: ರೈಲ್ವೇ ಸಿಬ್ಬಂದಿ ಸಮಯ ಪ್ರಜ್ಞೆಯಿಂದ ತಪ್ಪಿದ ಅನಾಹುತ
ಬೆಂಗಳೂರು ವಿಭಾಗದಲ್ಲಿ ಮಹಿಳಾ ಪ್ರಯಾಣಿಕರ ಸುರಕ್ಷತೆ ದೃಷ್ಟಿಯಿಂದ ಶಕ್ತಿ ಚೆನ್ನಮ್ಮ, ಶಕ್ತಿ ಅಬ್ಬಕ್ಕ ಎನ್ನುವ ಎರಡು ವಿಶೇಷ ತಂಡಗಳನ್ನು ರೂಪಿಸಲಾಗಿತ್ತು. ಬೆಂಗಳೂರು, ಮೈಸೂರು, ಹಿಂದೂಪುರ್ ಮತ್ತು ಬಂಗಾರಪೇಟೆ ಮಾರ್ಗದಲ್ಲಿ ಪ್ರಯಾಣಿಸುವ ರೈಲುಗಳ ಮೇಲೆ ಈ ತಂಡ ನಿಗಾ ಇರಿಸಿದೆ.
ಜನವರಿ 2020ರಿಂದ ನವೆಂಬರ್ 2021ರ ಅವಧಿಯಲ್ಲಿ 7,492 ಮಂದಿ ಅಪರಾಧ ಎಸಗಿದವರನ್ನು ಈ ತಂಡಗಳು ಬಂಧಿಸಿವೆ. ಬಂಧಿತರಲ್ಲಿ ಬಹುತೇಕರ ವಿರುದ್ಧ ಪ್ರಕರಣವನ್ನು ದಾಖಲಿಸಿದೆ.
ಕೊರೊನಾ ಸಮಯದಲ್ಲಿ ವೃದ್ಧ ರೈಲ್ವೇ ಪ್ರಯಾಣಿಕರೊಬ್ಬರಿಗೆ ತುರ್ತಾಗಿ ಕ್ಯಾನ್ಸರ್ ಔಷಧದ ಅಗತ್ಯ ಬಿದ್ದಾಗ ಶಕ್ತಿ ತಂಡದ ಹೆಡ್ ಕಾನ್ಸ್ಟೇಬಲ್ ನಿರ್ಮಲಾ ಮತ್ತು ಕಾನ್ಸ್ಟೇಬಲ್ ಪೆದಿರಾಜು ಅವರು ಆ ಪ್ರಯಾಣಿಕರಿಗೆ ಔಷಧ ತಲುಪಿಸುವಲ್ಲಿ ನೆರವಾಗಿದ್ದರು.