ನವದೆಹಲಿ: ಕಪ್ಪು ಹಣ ಕಾನೂನು ತುಂಬಾ ಸರಳ ಮತ್ತು ಸ್ಪಷ್ಟ ಎಂದಿರುವ ಕೇಂದ್ರ ಹಣಕಾಸು ಸಚಿವಾಲಯ, ವಿದೇಶಗಳಲ್ಲಿ ಆಸ್ತಿ ಹೊಂದಿರುವವರಿಗೆ ಇದು ಕೊನೆ ಅವಕಾಶ ಎಂದು ಎಚ್ಚರಿಸಿದೆ.

ವಿದೇಶಿ ಆಸ್ತಿ ಮೌಲ್ಯ ನಿಗದಿ ಕುರಿತು ಶುಕ್ರವಾರ ನಿಯಮಗಳನ್ನು ಬಿಡುಗಡೆ ಮಾಡಿದ ನೇರ ತೆರಿಗೆಗಳ ಕೇಂದ್ರ ಮಂಡಳಿ ಶನಿವಾರ ಮತ್ತೊಮ್ಮೆ ಎಚ್ಚರಿಕೆ ನೀಡಿದೆ.

ಹೊಸ ಕಾಯಿದೆ ಅನುಸಾರ ವಿದೇಶಗಳಲ್ಲಿ ಆಸ್ತಿ ಹೊಂದಿರುವವರು ಶೇ.60 ರಷ್ಟು ತೆರಿಗೆ ಪಾವತಿಸಿ ಸಕ್ರಮ ಮಾಡಿಕೊಳ್ಳಲು 3 ತಿಂಗಳು ಕಾಲಾವಕಾಶ ನೀಡಿದ್ದು ತಪ್ಪಿದಲ್ಲಿ ಶೇ.120 ರಷ್ಟು ತೆರಿಗೆ, ಕಾರಾಗೃಹ ಶಿಕ್ಷೆ ವಿಧಿಸಲಾಗುವುದು.