ನವದೆಹಲಿ: ಇಖ್ಲಾಕ್ ಹತ್ಯೆ ಘಟನೆಗೆ ಸಂಬಂಧಿಸಿದ ರಾಜಕೀಯ ಬೆಳವಣಿಗೆಗಳ ನಡುವೆಯೇ ದೇಶಾದ್ಯಂತ ಗೋಹತ್ಯೆ ನಿಷೇಧಿಸುವ ಕೇಂದ್ರ ಸರ್ಕಾರದ ಕಾನೂನನ್ನು ಬೆಂಬಲಿಸುವ ಬಗ್ಗೆ ಪರಿಶೀಲಿ ಸುವುದಾಗಿ ಕಾಂಗ್ರೆಸ್ ಹೇಳಿದೆ. 

ಕೇಂದ್ರದಲ್ಲಿ ಶಾಸನ ಜಾರಿ ಮಾಡಿದರೆ, ನಾವದನ್ನು ಪರಿಶೀಲಿಸುತ್ತೇವೆ ಎಂದು ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ದಿಗ್ವಿಜಯ್ ಸಿಂಗ್ ಹೇಳಿದ್ದಾರೆ. 

ಅಲ್ಲದೆ, ಬಿಜೆಪಿ ಸರ್ಕಾರ ಅಧಿಕಾರಕ್ಕೆ ಬರುವ ಮೊದಲೇ 29 ರಾಜ್ಯಗಳ ಪೈಕಿ 24ರಲ್ಲಿ ಗೋಹತ್ಯೆ ನಿಷೇಧ ಜಾರಿಯಲ್ಲಿತ್ತು ಎಂದೂ ಹೇಳಿದ್ದಾರೆ. 'ನಾನೊಬ್ಬ ಹಿಂದೂ. ನಾನು ಬೀಫ್ ತಿನ್ನುವುದಿಲ್ಲ. ಆದರೆ, ಇನ್ನೊಬ್ಬರು ತಿನ್ನಬಾರದು ಎಂದು ಹೇಳುವುದೂ ಇಲ್ಲ'' ಎಂದಿದ್ದಾರೆ.