ಸೋನಿಯಾ ಗಾಂಧಿಯನ್ನು ಹೊಗಳಿದ ಮನೇಕಾ ಗಾಂಧಿ!

ಪಿಲಿಭಿಟ್: ಕೇಂದ್ರ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಸಚಿವೆ ಮನೇಕಾ ಗಾಂಧಿ ಅವರು ಕಾಂಗ್ರೆಸ್ ಉಪಾಧ್ಯಕ್ಷೆ ಸೋನಿಯಾ ಗಾಂಧಿಯವರನ್ನು ಹಾಡಿ ಹೊಗಳಿದ್ದಾರೆ.

ನಿನ್ನೆ ನಡೆದ ಸಭೆಯೊಂದರಲ್ಲಿ ಮಾತನಾಡುತ್ತಿದ್ದ ವೇಳೆ ಸೋನಿಯಾ ಗಾಂಧಿಯವರ ಕುರಿತಂತೆ ಮಾತನಾಡಿರುವ ಮನೇಕಾ ಗಾಂಧಿಯವರು, ಭ್ರಷ್ಟಾಚಾರವನ್ನು ನಿಗ್ರಹಿಸಲು ಮತ್ತು ಸ್ವಜನಪಕ್ಷಪಾತವನ್ನು ವಿರೋಧಿಸಲು ಸೋನಿಯಾ ಅವರು ಅತ್ಯುತ್ತಮ ಉದಾಹರಣೆಯಾಗಿದ್ದಾರೆಂದು ಹೇಳಿದ್ದಾರೆ.

ಈ ಕುರಿತಂತೆ ಉದಾಹರಣೆಯನ್ನು ಸೂಚಿಸಿರುವ ಅವರು, ಸೋನಿಯಾ ಅವರ ಸಂಬಂಧಿಕರೊಬ್ಬರು ಸೋನಿಯಾ ಗಾಂಧಿಯವರ ಹೆಸರನ್ನು ದುರುಪಯೋಗ ಮಾಡಿಕೊಳ್ಳಲು ಯತ್ನಿಸಿದ್ದರು. ಆದರೆ, ಈ ಕುರಿತಂತೆ ಸ್ವತಃ ಸೋನಿಯಾ ಆವರೇ ಪತ್ರಿಕೆಯೊಂದರಲ್ಲಿ ಜಾಹೀರಾತನ್ನು ಪ್ರಕಟಿಸಿದ್ದರು. ಪ್ರಕಟಣೆಯಲ್ಲಿ ಈ ವ್ಯಕ್ತಿ ಬಳಿ ಸಹಾಯ ಕೇಳಿಕೊಂಡು ಹೋಗಬೇಡಿ ಎಂದು ಮನವಿ ಮಾಡಿಕೊಂಡಿದ್ದರು. ನೀವು ಕೂಡ ಇದನ್ನೇ ಅನುಸರಿಸಿ ಎಂದು ಜನತೆಗೆ ಹೇಳಿದ್ದಾರೆ.