ಆಗ್ರಾ: 13 ವರ್ಷದ ಬಾಲಕಿಯನ್ನು ಅಪಹರಿಸಿದ್ದ ನಾಲ್ವರು ಯುವಕರ ಗುಂಪಿನಲ್ಲಿ ಓರ್ವ ಆಕೆಯ ಮೇಲೆ ಅತ್ಯಾಚಾರ ನಡೆಸಿರುವ ಘಟನೆ ಆಗ್ರಾದಲ್ಲಿ ನಡೆದಿದೆ.

ಆಗ್ರಾದ ಕಾಶಿರಾಂ ಯೋಜನ್ ಆವಾಸ ಕಾಲೋನಿಯ ಕಲಾಂದಿ ವಿಹಾರ ಬಳಿ ನಡೆದಿದ್ದು, ಘಟನೆಯಿಂದ ಸ್ಥಳೀಯರು ಕಂಗಾಲಾಗಿದ್ದಾರೆ.

ಬಾಲಕಿ ಚಿಕ್ಕಪ್ಪ-ಚಿಕ್ಕಮ್ಮನ ಮನೆಯಲ್ಲಿ ವಾಸವಿದ್ದಳು. ಮನೆಯಿಂದ ಸ್ವಲ್ಪವೇ ದೂರವಿದ್ದ ದಿನಸಿ ಅಂಗಡಿಯಿಂದ ರಾತ್ರಿ 8ಗಂಟೆ ಸುಮಾರಿನಲ್ಲಿ ಮನೆಗೆ ತೆರಳುವಾಗ ಅಪಹರಿಸಲಾಗಿದೆ. ಅಪಹರಿಸುವ ವೇಳೆ ಕನಿಷ್ಠ ನಾಲ್ವರು ಯುವಕರು ಇದ್ದರು ಎನ್ನಲಾಗಿದ್ದು, ಅಪರಿಚಿತ ಮನೆಯೊಂದಕ್ಕೆ ಕರೆದೊಯ್ದು ಅತ್ಯಾಚಾರವೆಸಗಲಾಗಿದೆ ಎಂದು ದೂರಲಾಗಿದೆ.

ಅತ್ಯಾಚಾರ ನಡೆಸಿ ಬಳಿಕ ವಾಪಸ್ ಅತ್ತುಕೊಂಡು ಬರುತ್ತಿದ್ದ ಆಕೆಯ ಧ್ವನಿ ಕೇಳಿದ ಸ್ಥಳೀಯರೊಬ್ಬರು ಬಾಲಕಿ ಚಿಕ್ಕಮ್ಮನ ಮನೆ ಬಳಿ ಬಿಟ್ಟುಹೋಗಿದ್ದಾರೆ.  ಬಾಲಕಿ ಜತೆ ಠಾಣೆಗೆ ಬಂದ ಸಂಬಂಧಿಕರು ದೂರು ದಾಖಲಿಸಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.