ಪುಣ: ಜನದಟ್ಟನೆಯಿಂದ ಕೂಡಿರುವ ಪ್ರಮುಖ ಕರ್ವೆ ರಸ್ತೆಯಲ್ಲಿ ಅಳವಡಿಸಲಾಗಿದ್ದ ಬೃಹತ್ ಬಿಲ್ ಬೋರ್ಡ್ ವೊಂದರಲ್ಲಿ ಪೋರ್ನ್(ಅಶ್ಲೀಲ) ಚಿತ್ರವೊಂದು ಕಾಣಿಸಿದ ಘಟನೆ ತಡವಾಗಿ ಬೆಳಕಿಗೆ ಬಂದಿದ್ದು, ಈ ಸಂಬಂಧ ಓರ್ವ ಟೆಕ್ನೀಶಿಯನ್ ವಿರುದ್ಧ ಪ್ರಕರಣ ದಾಖಲಾಗಿದೆ.
ಭಾನುವಾರ ಈ ಬಿಲ್ ಬೋರ್ಡ್ ನಲ್ಲಿ ಅಶ್ಲೀಲ ದೃಶ್ಯ ಪ್ರಸಾರವಾಗಿತ್ತು. ಇದನ್ನು ಕಂಡ ವ್ಯಕ್ತಿಯೊಬ್ಬರು ತಮ್ಮ ಮೊಬೈಲ್ ನಲ್ಲಿ ದೃಶ್ಯವನ್ನು ಸೆರೆಹಿಡಿದು ಸಾಮಾಜಿಕ ಜಾಲತಾಣದಲ್ಲಿ ಹಾಕಿದ್ದರು. ಇದು ವೈರಲ್ ಆಗುತ್ತಿದ್ದಂತೆ ಡೆಕ್ಕನ್ ಜಿಮ್ ಖಾನಾ ಪೊಲೀಸ್ ಠಾಣೆ ಪೊಲೀಸರು ಟೆಕ್ನೀಶಿಯನ್ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ.
ಮಾಹಿತಿ ತಂತ್ರಜ್ಞಾನ ಕಾಯ್ದಿ ಪರಿಚ್ಛೇದ 67ರ ಅಡಿಯಲ್ಲಿ ಟೆಕ್ನೀಶಿಯನ್ ನಿತೇಶ್ ಶೇಲಾರ್ ವಿರುದ್ಧ ಪ್ರಕರಣ ದಾಖಲಿಸಿರುವ ಪೊಲೀಸರು ಆತನ ಪತ್ತೆಗೆ ಜಾಲ ಬೀಸಿದ್ದಾರೆ.