ನವದೆಹಲಿ: ವಿಮಾನದಲ್ಲಿ ಮೈಕ್ ಮೂಲಕ ಹಾಡು ಹೇಳಲು ಅವಕಾಶ ಮಾಡಿಕೊಟ್ಟ ಆರೋಪದಲ್ಲಿ  ಜೆಟ್ ಏರ್ ವೇಸ್ ವಿಮಾನದ ಐದು ಮಂದಿ ಗಗನ ಸಖಿಯರನ್ನು ಅಮಾನತು ಮಾಡಲಾಗಿದೆ.

ಜೋಧ್ ಪುರ- ಮುಂಬೈ ಚಾರ್ಟರ್ಡ್ ವಿಮಾನದಲ್ಲಿ ಜನವರಿ 4 ರಂದು ಸೋನು ನಿಗಮ್ ಪ್ರಯಾಣಿಕರ ಒತ್ತಾಯದ ಮೇರೆಗೆ ಹಾಡು ಹೇಳಿದ್ದರು. ಬಾಲಿವುಡ್ ನಮ ವೀರ್ ಝರಾ ಮತ್ತು ಅಭಿಷೇಕ್ ಬಚ್ಚನ್ ಅಭಿನಯದ ರೆಫ್ಯೂಜಿ ಚಿತ್ರದ ಹಾಡುಗಳನ್ನು ಹಾಡಿದ್ದರು.

ಸೋನು ನಿಗಮ್ ಜೊತೆ ಪ್ರಯಾಣಿಕರು ಕೂಡ ಧನಿ ಗೂಡಿಸಿದ್ದರು. ವಿಮಾನದಲ್ಲಿ ಹಾಡಿದ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದ್ದವು. ಇದನ್ನು ಗಂಭೀರವಾಗಿ ಪರಿಗಣಿಸಿದ ನಾಗರಿಕ ವಿಮಾನಯಾನ ಮಹಾ ನಿರ್ದೇಶಕರು, ವಿಮಾನದಲ್ಲಿ ಘೋಷಣಾ ವ್ಯವಸ್ಥೆಯನ್ನು ದುರುಪಯೋಗ ಪಡಿಸಿಕೊಳ್ಳಲಾಗಿದೆ. ಇದಕ್ಕೆ ಸೋನು ನಿಗಮ್ ಅವರೇ ಹೊಣೆ ಎಂದಿದೆ.

ವಿಮಾನದಲ್ಲಿ ಸೋನು ನಿಗಮ್ ಹಾಡು ಹೇಳಲು ಅವಕಾಶ ಮಾಡಿಕೊಟ್ಟ ಐವರು ಗಗನ ಸಖಿಯರನ್ನು ಅಮಾನತು ಮಾಡಲಾಗಿದೆ