ಕೋಲ್ಕತಾ: ಅಸ್ಸಾಂ ಲೋಹಿತ್ ಜಿಲ್ಲೆಯಲ್ಲಿ ಸೇನಾ ನಡೆಸಿದ ಜಂಟಿ ಕಾರ್ಯಾಚರಣೆ ವೇಳೆ ನಾಲ್ವರು ಉಗ್ರನ್ನು ಹತ್ಯೆ ಮಾಡಿದ್ದಾರೆಂದು ಹೇಳಲಾಗುತ್ತಿದೆ. 

ಉಗ್ರರು ಅಡಗಿಕುಳಿತಿದ್ದಾರೆಂಬ ಮಾಹಿತಿ ತಿಳಿದ ಕೂಡಲೇ ಸೇನಾ ಸಿಬ್ಬಂದಿಗಳು ಮಂಗಳವಾರ ಜಂಟಿ ಕಾರ್ಯಾಚರಣೆಯನ್ನು ನಡೆಸಿದ್ದರು. ಈ ವೇಳೆ ನಾಲ್ಕು ಉಗ್ರನ್ನು ಗುಂಡಿಟ್ಟು ಹತ್ಯೆ ಮಾಡಿದ್ದಾರೆಂದು ತಿಳಿದುಬಂದಿದೆ. 

ಹತ್ಯೆಯಾದ ನಾಲ್ವರು ಉಗ್ರರಲ್ಲಿ ಮೂವರು ಎನ್ಎಸ್ ಸಿಎನ್ (ಕೆ)ಗೆ ಸೇರಿದವರಾಗಿದ್ದು, ಓರ್ವ ಉಗ್ರ ಉಲ್ಫಾ ಸಂಘಟನೆಗೆ ಸೇರಿದವನಾಗಿದ್ದೇನೆಂದು ಪೊಲೀಸರು ಮಾಹಿತಿ ನೀಡಿದ್ದಾರೆಂದು ಮಾಧ್ಯಮವೊಂದು ವರದಿ ಮಾಡಿದೆ. ಇದರಂತೆ ಸೇನಾ ಸಿಬ್ಬಂದಿಗಳು ಹತ್ಯೆಯಾದ ಉಗ್ರರಿಂದ 2 ಪಿಸ್ತೂಲ್ ಮತ್ತು 1 ಎಕೆ-56 ರೈಫಲ್ ನ್ನು ವಶಕ್ಕೆ ಪಡೆದುಕೊಂದು ಕಾರ್ಯಾಚರಣೆಯನ್ನು ಮುಂದುವರೆಸಿದ್ದಾರೆ ಎನ್ನಲಾಗಿದೆ.