ಅಹಮಗ್ ನಗರ: ಮಹಿಳೆಯರ ಪ್ರವೇಶಕ್ಕೆ ನಿಷೇಧವಿರುವ ಮಹಾರಾಷ್ಟ್ರದ ಶನಿ ಶಿಂಗಣಾಪುರ ದೇವಾಲಯ ಪ್ರವೇಶಿಸಲು ಯತ್ನಿಸಿದ ಮಹಿಳಾ ಸಂಘಟನೆಯ 300 ಕಾರ್ಯಕರ್ತರನ್ನು ಪೊಲೀಸರು ಬಂಧಿಸಿ, ಬಳಿಕ ಬಿಡುಗಡೆ ಮಾಡಿದ ಘಟನೆ ಮಂಗಳವಾರ ನಡೆಯಿತು.

ದೇವಾಲಯ ಪ್ರವೇಶಿಸಲು ಹೊರಟ ಮಹಿಳಾ ಹೋರಾಟಗಾರರನ್ನು ಧಾರ್ಮಿಕ ಕ್ಷೇತ್ರಕ್ಕಿಂತ 40ಕಿ.ಮೀ. ದೂರದ ಚೆಕ್ ಪೋಸ್ಟ್ ಒಂದರ ಬಳಿ ಪೊಲೀಸರು ಅಡ್ಡಗಟ್ಟಿ, ವಶಕ್ಕೆ ಪಡೆದಿದ್ದಾರೆ. ಈ ವೇಳೆ ಸಿಟ್ಟಿಗೆದ್ದ ಮಹಿಳಾ ಹೋರಾಟಗಾರರು ಮತ್ತು ಪೊಲೀಸರ ಮಧ್ಯೆ ಮಾತಿನ ಚಕಮಕಿ ನಡೆಯಿತು. ಅಲ್ಲದೆ ಕೆಲವು ಹೋರಾಟಗಾರರು ರಸ್ತೆಯಲ್ಲೇ ಮಲಗಿ, ಪೋಲಿಸರ ವಿರುದ್ಧ ಪ್ರತಿಭಟಿಸಿದರು. ಅಲ್ಲದೆ ಇಂದು ಮಹಿಳೆಯರಿಗೆ ಕಪ್ಪು ದಿನ ಎಂದು ಘೋಷಣೆ ಕೂಗಿದರು.

ಭೂಮಾತಾ  ರಣರಂಗಿ ಬ್ರಿಗೇಡ್ ನೇತೃತ್ವದಲ್ಲಿ ಹೋರಾಟ ನಡೆಯುತ್ತಿದ್ದು, ದೇವಾಲಯ ಪ್ರವೇಶಿಸಲು ಸುಮಾರು 300 ಮಹಿಳಾ ಕಾರ್ಯಕರ್ತೆಯರು ಬಸ್ಸಿನಲ್ಲಿ ಆಗಮಿಸಿದ್ದರು, ಅವರನ್ನು ತಡೆಯಲು ಭಾರಿ ಪ್ರಮಾಣದ ಬಂದೋಬಸ್ತ್ ಮಾಡಲಾಗಿತ್ತು,