ನವದೆಹಲಿ: ಆಮ್ ಆದ್ಮಿ ಪಕ್ಷದ ಮುಖಂಡ ಕುಮಾರ್ ವಿಶ್ವಾಸ್ ಅವರು ಮಾದಕ ವಸ್ತು ಸಮಸ್ಯೆ ಬಗ್ಗೆ ಗೀತೆಯೊಂದನ್ನು ಬರೆದು, ಸಂಕಲನ ಮಾಡಿ ಸ್ವತಃ ಹಾಡಿದ್ದು, ಇದು ಯುಟ್ಯೂಬ್ ನಲ್ಲಿ ಬಿಡುಗಡೆಯಾಗಿದೆ. 

ಕುಮಾರ್ ವಿಶ್ವಾಸ್ ಅವರ ಈ ಗೀತೆಗೆ ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಲೈಕ್ ಮಾಡಿದ್ದು, ತಮ್ಮ ಟ್ವಿಟರ್ ನಲ್ಲಿ ಮಸ್ಟ್ ವಾಚ್ ಎಂದು ಶೇರ್ ಮಾಡಿದ್ದಾರೆ. ಈ ಗೀತೆಯ ಟೈಟಲ್ 'ಎಕ್ ನಶಾ: ನಶೆ ಕೆ ಕಿಲಾಫ್'. ಮೇ 8ರಂದು ಬಿಡುಗಡೆಯಾದ ಈ ಗೀತೆ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. 

ಆಡಳಿತ ಪಕ್ಷ ಅಕಾಲಿ ದಳವನ್ನು ಗುರಿಯಾಗಿಸಿಕೊಂಡು ಈ ಗೀತೆಯನ್ನು ಹಾಡಲಾಗಿದ್ದು, ಬಾದಲ್ ಗಳು ನಮ್ಮ ರಸ್ತೆಗಳನ್ನು, ಕಾಲುವೆಗಳನ್ನು ಹಾಳು ಮಾಡಿದರು. ನದಿಗಳಿಂದ ಎಲ್ಲ ಮರಳನ್ನು ಬಗೆದುತೆಗೆದರು ಎಂದು ಕುಮಾರ್ ವಿಶ್ವಾಸ್ ಪಂಜಾಬಿಯಲ್ಲಿ ಹಾಡುತ್ತಾರೆ.