ವಾರಣಾಸಿ: ದೇಶದಾದ್ಯಂತ ಬೆಳಕಿನ ಹಬ್ಬ ದೀಪಾವಳಿಯನ್ನು ಆಚರಿಸಲಾಗುತ್ತಿದ್ದು, ಪ್ರಾಣವನ್ನೇ ಪಣಕ್ಕಿಟ್ಟು ದೇಶ ಕಾಯುವ ಯೋಧರಿಗಾಗಿ ನಿನ್ನೆ ವಾರಣಾಸಿಯಲ್ಲಿ ವಿಶೇಷವಾಗಿ ಗಂಗಾ ಆರತಿಯನ್ನು ಮಾಡಲಾಯಿತು.

ಭಾರತದ ಆಧ್ಯಾತ್ಮಿಕ ರಾಜಧಾನಿ ಎಂದೇ ಹೇಳಲಾಗುವ ವಾರಣಾಸಿಯಲ್ಲಿ ನಿನ್ನೆ ವಿಶೇಷ ಗಂಗಾ ಆರತಿ ಪೂಜೆಯನ್ನು ಸಲ್ಲಿಸಲಾಯಿತು. ಪೂಜೆ ವೇಳೆ ಸಾಕಷ್ಟು ಸಂಖ್ಯೆಯಲ್ಲಿ ಜನರು ಭಾಗಿಯಾಗಿದ್ದರು. ಅಲ್ಲದೆ, ವಿಶೇಷವಾಗಿ ಯೋಧರಿಗಾಗಿ ರಂಗೋಲಿಯನ್ನು ಬಿಡಿಸಿ, ದೀಪಗಳಲ್ಲಿಯೇ ಜೈ ಜವಾನ್, ಜೈ ಕಿಸಾನ್ ಎಂದು ಅಲಂಕರಿಸಿರುವುದು ಎಲ್ಲರ ಕಣ್ಮನಗಳನ್ನು ಸೆಳೆದಿತ್ತು.

ಕೇವಲ ವಾರಣಾಸಿಯಲ್ಲಿ ಅಷ್ಟೇ ಅಲ್ಲದೆ, ದೇಶದ ವಿವಿಧ ಪ್ರದೇಶಗಳಲ್ಲಿಯೂ ಯೋಧರಿಗಾಗಿ ವಿಶೇಷ ಪೂಜೆಗಳನ್ನು ಸಲ್ಲಿಸಲಾಗಿತ್ತು. ಪ್ರಧಾನಮಂತ್ರಿ ನರೇಂದ್ರ ಮೋದಿಯವರೂ ಕೂಡ ಯೋಧರ ತ್ಯಾಗ ಹಾಗೂ ಬಲಿದಾನವನ್ನು ಕೊಂಡಾಡಿದ್ದರೂ. ದೀಪಾವಳಿ ಹಬ್ಬವನ್ನು ವೀರ ಯೋಧರಿಗೆ ಸಮರ್ಪಿಸಿದ್ದರು.