ನವದೆಹಲಿ: ಸರಕು ಮತ್ತು ಸೇವಾ ಸಮಿತಿಯ ಕಾರ್ಯವೈಖರಿ, ರಚನೆ ಮತ್ತು ಪ್ರಕ್ರಿಯೆಗಳನ್ನು ಕೇಂದ್ರ ಸಂಪುಟ ಸೋಮವಾರ ಆರಂಭಿಸಿದ್ದು, ಹೊಸ ಪರೋಕ್ಷ ತೆರಿಗೆಯಡಿಯಲ್ಲಿ ತೆರಿಗೆ ದರವನ್ನು ಅದು ನಿರ್ಧರಿಸಲಿದೆ.

ಕೇಂದ್ರ ಹಣಕಾಸು ಸಚಿವ ಅರುಣ್ ಜೇಟ್ಲಿಯವರ ನೇತೃತ್ವದ ಈ ಸಮಿತಿಯಲ್ಲಿ ಎಲ್ಲಾ 29 ರಾಜ್ಯಗಳ ಹಣಕಾಸು ಸಚಿವರು  ಮತ್ತು ಎರಡು ಕೇಂದ್ರಾಡಳಿತ ಪ್ರದೇಶಗಳ ಪ್ರತಿನಿಧಿಗಳು ಇರುತ್ತಾರೆ. ಸಮಿತಿ ನವೆಂಬರ್ 11ರಂದು ಅಸ್ಥಿತ್ವಕ್ಕೆ ಬರಲಿದೆ.

ಇಂದಿನ ದಿನಾಂಕ ನಮೂದಿಸಿದ ಸರ್ಕಾರದ ಅಧಿಸೂಚನೆಯಲ್ಲಿ ಜಿಎಸ್ಟಿ ಸಮಿತಿ ಸ್ಥಾಪನೆಗೆ ಪ್ರಕ್ರಿಯೆ ಆರಂಭವಾಗಿದ್ದು, ಇನ್ನು 60 ದಿನಗಳಲ್ಲಿ ಪೂರ್ಣಗೊಳ್ಳಲಿದೆ ಎಂದು ಹೇಳಲಾಗಿದೆ. ಪ್ರಧಾನ ಮಂತ್ರಿಗಳ ನೇತೃತ್ವದ ಸಂಪುಟ ಸಮಿತಿ ರಚನೆ, ಪ್ರಕ್ರಿಯೆ ಮತ್ತು ಕಾರ್ಯವೈಖರಿಗೆ ಅನುಮೋದನೆ ನೀಡಿದ್ದಾರೆ ಎಂದು ಮೂಲಗಳಿಂದ ತಿಳಿದುಬಂದಿದೆ.