ನವದೆಹಲಿ: ಬಿಹಾರ ರಾಜ್ಯ ಮುಖ್ಯಮಂತ್ರಿ ನಿತೀಶ್ ಕುಮಾರ್ ಅವರು ಬಿಜೆಪಿ ರಾಷ್ಟ್ರಾಧ್ಯಕ್ಷ ಅಮಿತ್ ಶಾ ಅವರ ಸೇವಕನಂತೆ ಕೆಲಸ ಮಾಡುತ್ತಿದ್ದಾರೆಂದು ಕಾಂಗ್ರೆಸ್ ಶನಿವಾರ ಹೇಳಿದೆ. 

ಈ ಕುರಿತಂತೆ ಮಾತನಾಡಿರುವ ಕಾಂಗ್ರೆಸ್ ನಾಯಕ ಸಂದೀಪ್ ದೀಕ್ಷಿತ್ ಅವರು, ನಿತೀಶ್ ಕುಮಾರ್ ಅವರ ನಿರ್ಧಾರದಿಂದ ಜೆಡಿಯು ಪಕ್ಷದ ಹಲವಾರು ನಾಯಕರು ತಲೆ ಕೆಡಿಸಿಕೊಂಡಿದ್ದಾರೆ. ನಿತೀಶ್ ಅವರ ನಿರ್ಧಾರ ಎಲ್ಲರಲ್ಲೂ ಆಘಾತವನ್ನುಂಟು ಮಾಡಿತ್ತು. ನಿತೀಶ್ ಮಾಡಿದಂತೆ ಈ ವರೆಗೂ ಯಾವುದೇ ನಾಯಕರೂ ಮಾಡಿರಲಿಲ್ಲ. ನಿತೀಶ್ ನೈತಿಕತೆಯನ್ನು ಹತ್ತಿಕ್ಕಿದ್ದಾರೆಂದು ಹೇಳಿದ್ದಾರೆ. 

ಬಿಹಾರ ರಾಜ್ಯದಲ್ಲಿ ಅತ್ಯಂತ ದುರ್ಬಲ ಮುಖ್ಯಮಂತ್ರಿಯಾಗಿ ಅಧಿಕಾರಕ್ಕೆ ಬಂದಿದ್ದರು. ಒಂದು ಸಮಯದಲ್ಲಿ ನಿತೀಶ್ ಅವರು ಅತ್ಯಂತ ಗೌರವಯುತ ನಾಯಕರಾಗಿದ್ದರು. ಇದೀಗ ಅವರು ಅಮಿತ್ ಶಾ ಅವರ ಸೇವಕರಂತೆ ಕೆಲಸ ಮಾಡುತ್ತಿದ್ದಾರೆ. ಜೆಡಿಯುನಲ್ಲಿರುವ ಎಲ್ಲಾ ಗೌರವಯುತ ನಾಯಕರು ಪಕ್ಷದಿಂದ ಹೊರಬಹುದೆಂದು ನಾನು ನಂಬಿದ್ದೇನೆಂದು ತಿಳಿಸಿದ್ದಾರೆ.