ವಾಷಿಂಗ್ ಟನ್: ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮಾಧ್ಯಮಗಳನ್ನು ಟೀಕಿಸುತ್ತಿರುವುದು ಇದೇ ಮೊದಲಲ್ಲ, ಆದರೆ ಈ ಬಾರಿ ವಿಚಿತ್ರವಾಗಿ ಮಾಧ್ಯಮಗಳ ವಿರುದ್ಧ ತಮ್ಮ ಅಸಮಾಧಾನವನ್ನು ವ್ಯಕ್ತಪಡಿಸಿರುವ ಟ್ರಂಪ್ ಸಿಎನ್ಎನ್ ಮಾಧ್ಯಮವನ್ನು ಹೊಡೆಯುತ್ತಿರುವಂತಹ ವಿಡಿಯೋವನ್ನು ಟ್ವೀಟ್ ಮಾಡಿದ್ದಾರೆ.
ಈ ಹಿಂದೆ ರೆಸ್ಲೆಂಗ್ ನಲ್ಲಿ ತಮ್ಮ ವಿರೋಧಿಯನ್ನು ಥಳಿಸುತ್ತಿರುವ ವಿಡಿಯೋವನ್ನು ಬಳಕೆ ಮಾಡಿರುವ ಡೊನಾಲ್ಡ್ ಟ್ರಂಪ್, ಆ ವಿಡಿಯೋದಲ್ಲಿರುವ ಎದುರಾಳಿಯ ಮುಖಕ್ಕೆ ಸಿಎನ್ಎನ್ ಲೋಗೊ ಹಾಕಿ ತಮ್ಮ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
ಎಂಎಸ್ಎನ್ ಬಿಸಿ ಟಾಕ್ ಶೋ ಹೋಸ್ಟ್ ಗಳ ವಿರುದ್ಧ ಟ್ವಿಟರ್ ನಲ್ಲಿ ವ್ಯಾಪಕ ಟೀಕೆ ವ್ಯಕ್ತವಾಗಿತ್ತು. ಈ ವಿರೋಧಕ್ಕೆ ರಾಜಕೀಯ ಮುಖಂಡರಿಂದಲೂ ಖಂಡನೆ ವ್ಯಕ್ತವಾಗಿತ್ತು. ಈ ಬೆನ್ನಲ್ಲೇ ಡೊನಾಲ್ಡ್ ಟ್ರಂಪ್ ಸಿಎನ್ಎನ್ ಗೆ ಥಳಿಸುತ್ತಿರುವ ರೀತಿಯ ವಿಡಿಯೋವನ್ನು ಎಡಿಟ್ ಮಾಡಿದ್ದಾರೆ.