ಮುಂಬೈ: ಒಂದೇ ಹಳಿ ಮೇಲೆ ಎರಡು ಮೋನೋ ರೈಲುಗಳು ಮುಖಾಮುಖಿಯಾಗಿದ್ದು, ಸಂಭವಿಸಬೇಕಿದ್ದ ಭಾರೀ ದರುಂತವೊಂದು ಕೂದಲೆಳೆ ಅಂತರದಲ್ಲಿ ತಪ್ಪಿರುವ ಘಟನೆ ಮಹಾರಾಷ್ಟ್ರ ರಾಜಧಾನಿ ಮುಂಬೈನಲ್ಲಿ ನಡೆದಿದೆ.
ನಿನ್ನೆ ಸಂಜೆ ಚೆಂಬುರ್ ಬಳಿ ಸಂಭವಿಸಿದೆ. ಎರಡು ರೈಲುಗಳು ಒಂದೇ ಹಳಿ ಮೇಲೆ ಪರಸ್ಪರ ವಿರುದ್ಧ ದಿಕ್ಕಿನಲ್ಲಿ ಬಂದಿವೆ. ಈ ವೇಳೆ ಎರಡು ರೈಲುಗಳ ಪೈಕೆ ಒಂದು ರೈಲಿನಲ್ಲಿ ತಾಂತ್ರಿಕ ದೋಷ ಉಂಟಾಗಿ ಹಳಿ ಮೇಲೆಯೇ ಹಠಾತ್ ತನ್ನ ಕಾರ್ಯವನ್ನು ನಿಲ್ಲಿಸಿದೆ. ಪರಿಣಾಮ ಸ್ಥಳದಲ್ಲಿ ಸಂಭವಿಸಬೇಕಾಗಿದ್ದ ದುರಂತವೊಂದು ತಪ್ಪಿದೆ. ಎರಡೂ ರೈಲಿನಲ್ಲಿಯೂ ನೂರಾರು ಸಂಖ್ಯೆಯಲ್ಲಿ ಪ್ರಯಾಣಿಕರಿದ್ದರು. ಘಟನೆಯಲ್ಲಿ ಯಾವುದೇ ಸಾವು-ನೋವುಗಳು ಸಂಭವಿಸಿಲ್ಲ.
ಘಟನೆ ಕುರಿತು ಮಾಹಿತಿ ತಿಳಿದ ಪ್ರಯಾಣಿಕರ ರಕ್ಷಣೆಗೆ ಅಧಿಕಾರಿಗಳು ಬಂದಿದ್ದಾರೆ, ಕಾರ್ಯಾಚಱಣೆ ನಡೆಸಿ ವಾಡಾಲ ಡಿಪೋದಿಂದ ಮತ್ತೊಂದು ರೈಲನ್ನು ಸ್ಥಳಕ್ಕೆ ರವಾನಿಸಿದ್ದಾರೆ.