ಚಿಮೋಲಿ: ಭಾರತ-ಚೀನಾ ಗಡಿ ಪ್ರದೇಶದಲ್ಲಿ ಚೀನಾ ಭಾರತದ ವಾಯುಗಡಿ ಉಲ್ಲಂಘನೆ ಮಾಡಿರಿಉವ ಬಗ್ಗೆ ವರದಿ ಪ್ರಕಟವಾಗಿದೆ. ಉತ್ತರಾಖಂಡ್ ನ ಚಿಮೋಲಿ ಜಿಲ್ಲೆಯಲ್ಲಿ ಚೀನಾ ಹೆಲಿಕಾಫ್ಟರ್ ಗಳು ವಾಯುಗಡಿ ಉಲ್ಲಂಘನೆ ಮಾಡಿದೆ ಎಂದು ತಿಳಿದುಬಂದಿದೆ. 

ಜೂ.೦3 ರಂದು ಬೆಳಿಗ್ಗೆ ಚಿಮೋಲಿಯಲ್ಲಿ ಚೀನಾದ ಹೆಲಿಕಾಫ್ಟರ್ ಗಳ ಹಾರಾಟ ಕಂಡುಬಂದಿದ್ದು, ಚಿಮೋಲಿಯ (ಎಸ್ ಪಿ) ತ್ರಿಪಾಟಿ ಭಟ್ ಮಾಧ್ಯಮಗಳಿಗೆ ಈ ಬಗ್ಗೆ ಮಾಹಿತಿ ನೀಡಿದ್ದು, 3-5 ನಿಮಿಷಗಳ ಕಾಲ ಚೀನಾ ಭಾರತದ ವಾಯುಗಡಿಯನ್ನು ಉಲ್ಲಂಘನೆ ಮಾಡಿ ಹಾರಾಟ ನಡೆಸಿದೆ ಎಂದು ಹೇಳಿದ್ದಾರೆ.

ಚೀನಾದ ಹೆಲಿಕಾಫ್ಟರ್ ಗಳು ಉದ್ದೇಶಪೂರ್ವಕವಾಗಿ ಅಥವಾ ಅನುದ್ದೇಶಿತವಾಗಿ ವಾಯುಗಡಿ ಉಲ್ಲಂಘಿಸಿರಬಹುದು ಏನೇ ಇದ್ದರೂ ಈ ಬಗ್ಗೆ ತನಿಖೆ ನಡೆಸುತ್ತೇವೆ ಎಂದು ಎಸ್ ಪಿ ತಿಳಿಸಿದ್ದಾರೆ.