ಝಜ್ಜರ್: ನಕಲಿ ಗುರುತಿನಿ ಚೀಟಿಯೊಂದಿಗೆ ಹರಿಯಾಣದ ಝಜ್ಜರ್ ನ ದೇವಸ್ಥಾನವೊಂದರಲ್ಲಿ ಅಕ್ರಮವಾಗಿ ವಾಸಿಸುತ್ತಿದ್ದ ಪಾಕಿಸ್ತಾನದ ಪ್ರಜೆಯನ್ನು ಶುಕ್ರವಾರ ಬಂಧಿಸಲಾಗಿದೆ.
ಬಂಧಿತ ಪಾಕ್ ಪ್ರಜೆ ರಾಜಾ ಎಂದು ಗುರುತಿಸಲಾಗಿದ್ದು, ಆತನಿಂದ ನಕಲಿ ಆಧಾರ್ ಕಾರ್ಡ್, ಪಾನ್ ಕಾರ್ಡ್ ಹಾಗೂ ಪಾಕಿಸ್ತಾನದ ಪಾಸ್ ಪೊರ್ಟ್ ಅನ್ನು ಸಹ ಪೊಲೀಸರು ಜಪ್ತಿ ಮಾಡಿದ್ದಾರೆ.
ಪಾಸ್ ಪೋರ್ಟ್ ಪ್ರಕಾರ, ರಾಜಾ ಪಾಕಿಸ್ತಾನದ ಸಿಂಧು ಪ್ರಾಂತ್ಯದ ಲರ್ಕಾನಾದ ಒಂದು ಹಿಂದೂ ಕಾಲೋನಿಯ ನಿವಾಸಿಯಾಗಿದ್ದಾರೆ ಎಂದು ಹರಿಯಾಣ ಪೊಲೀಸರು ತಿಳಿಸಿದ್ದಾರೆ.
ರಾಜಾ 2013ರಲ್ಲಿ ಭಾರತಕ್ಕೆ ಆಗಮಿಸಿದ್ದು, ಕಳೆದ ವರ್ಷವೇ ವೀಸಾ ಅವಧಿ ಮುಗಿದಿದೆ. ಆದರೆ ಕಳೆದ ಒಂಬತ್ತು ತಿಂಗಳಿಂದ ಬಹದ್ದೂರ್ ಗಢದಲ್ಲಿರುವ ಇಸ್ಕಾನ್ ದೇವಸ್ಥಾನದಲ್ಲಿ ವಾಸಿಸುತ್ತಿದ್ದಾನೆ ಎಂದು ಝಜ್ಜರ್ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಬಿ ಸತೀಶ್ ಬಾಲನ್ ಅವರು ಹೇಳಿದ್ದಾರೆ.
ಆಧಾರ್ ಮತ್ತು ಪಾನ್ ಕಾರ್ಡ್ ನಲ್ಲಿರುವ ಆತನ ಜನ್ಮ ದಿನಾಂಕ ಹಾಗೂ ಪಾಸ್ ಪೊರ್ಟ್ ನಲ್ಲಿರುವ ಜನ್ಮ ದಿನಾಂಕ ಬೇರೆಬೇರೆಯಾಗಿದೆ ಎಂದು ಅವರು ತಿಳಿಸಿದ್ದಾರೆ.
Follow KannadaPrabha channel on WhatsApp
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Subscribe to KannadaPrabha YouTube Channel and watch Videos