ತಿರುವನಂತಪುರ: ಕಲರ್ ಪುಲ್ ಆಗಿ ಮದುವೆ ಫೋಟೋಗಳನ್ನು ತೆಗೆಸಿಕೊಳ್ಳಬೇಕೆಂಬ ಬಯಕೆ ವಧು-ವರರಿಗಿರುತ್ತದೆ. ಅದೇ ರೀತಿ ತಮ್ಮ ಫೋಟೋ ತೆಗೆಯುವುದರಲ್ಲಿ ತಮ್ಮ ನೈಪುಣ್ಯತೆಯನ್ನು ತೋರಿಸಬೇಕು ಎಂಬ ಕಾರ್ಯಕ್ಷಮತೆ ಸಹ ಫೋಟೋಗ್ರಾಫರ್ ಗೆ ಇರುತ್ತದೆ.
ಅದೇ ರೀತಿ ಕೇರಳದಲ್ಲಿ ಫೋಟೋಗ್ರಾಫರ್ ಒಬ್ಬರು ವಧು-ವರರ ಫೋಟೋ ತೆಗೆಯುತ್ತಿರೋ ಫೋಟೋಗ್ರಾಫರ್ ಫೋಟೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು ಸಾಕಷ್ಟು ಪರ-ವಿರೋಧ ಕಾಮೆಂಟ್ ಗಳು ಹರಿದಾಡುತ್ತಿವೆ.
ಫೋಟೋಗ್ರಾಫರ್ ವಧು-ವರರನ್ನು ಮರದ ಕೆಳಗೆ ನಿಲ್ಲಿಸಿ ತಾನು ಮರದ ಕೊಂಬೆಗೆ ಬಾವಲಿಯಂತೆ ಜೋತು ಬಿದ್ದು ಫೋಟೋ ಕ್ಲಿಕ್ಕಿಸಿದ್ದಾನೆ. ಈ ದೃಶ್ಯಗಳನ್ನು ಮತ್ತೊಬ್ಬರು ವಿಡಿಯೋ ಮಾಡಿದ್ದು ಅದನ್ನು ಸಾಮಾಜಿಕ ಜಾಲತಾಣಕ್ಕೆ ಅಪ್ಲೋಡ್ ಮಾಡಿದ್ದು ವಿಡಿಯೋ ವೈರಲ್ ಆಗಿದೆ.