ನವದೆಹಲಿ: ಅಸ್ಸಾಂ ನ ಮಜುಲಿಯಲ್ಲಿ ಮೈಕ್ರೋಲೈಟ್ ವಿಮಾನ ಪತನಗೊಂಡಿದ್ದು ವಾಯುಪಡೆಯ ಇಬ್ಬರು ವಿಂಗ್ ಕಮಾಂಡರ್ ಗಳು ಸಾವನ್ನಪ್ಪಿದ್ದಾರೆ.
ಮೃತ ಪೈಲಟ್ ಗಳಾದ ಜೈ ಪೌಲ್ ಜೇಮ್ಸ್ ಹಾಗೂ ಡಿ ವ್ಯಾಟ್ಸ್ ವಿಂಗ್ ಕಮಾಂಡರ್-ರ್ಯಾಂಕ್ ಅಧಿಕಾರಿಗಳಾಗಿದ್ದರು ಎಂದು ರಕ್ಷಣಾ ವಕ್ತಾರರಾದ ಲೆಫ್ಟಿನೆಂಟ್ ಕರ್ನಲ್ ಹರ್ಷವರ್ಧನ್ ಪಾಂಡೆ ಹೇಳಿದ್ದಾರೆ. ಮಧ್ಯಾಹ್ನ ಈ ಘಟಾನೆ ನಡೆದಿದ್ದು, ಜೋರ್ಹತ್ ವಿಮಾನ ನಿಲ್ದಾಣದಿಂದ ಟೇಕ್ ಆಫ್ ಆದ ನಂತರ 20 ಕಿಮೀ ದೂರ ಪ್ರಯಾಣಿಸುವ ವೇಳೆಗೆ ಪತನಗೊಂಡಿದೆ ಎಂದು ರಕ್ಷಣಾ ಇಲಾಖೆ ಹೇಳಿದೆ.
ತಾಂತ್ರಿಕ ದೋಷ ಕಾಣಿಸಿಕೊಳ್ಳುತ್ತದ್ದಂತೆಯೇ ಪೈಲಟ್ ಗಳು ತುರ್ತು ಭೂಸ್ಪರ್ಷಕ್ಕೆ ಯತ್ನಿಸಿದ್ದಾರೆ ಆದರೆ ಅದು ಯಶಸ್ವಿಯಾಗಿಲ್ಲ. ಘಟನೆ ಕುರಿತು ತನಿಖೆಗೆ ಆದೇಶಿಸಲಾಗಿದೆ.