ಇಡಕ್ಕಿ(ಕೇರಳ): 500 ಮತ್ತು` 200 ಮುಖಬೆಲೆಯ ನಕಲಿ ನೋಟುಗಳನ್ನು ಮುದ್ರಿಸಿದ ಆರೋಪದಡಿಯಲ್ಲಿ ಮಲಯಾಳಂ ಕಿರುತೆರೆ ನಟ, ಆತನ ತಾಯಿ ಹಾಗೂ ಸಹೋದರಿಯನ್ನು ಬಂಧಿಸಲಾಗಿದೆ.

ಆರೋಪಿಗಳು ಕೊಲ್ಲಂ ನ ಮನೈಕುಲಂಗರ ಎನ್ನುವಲ್ಲಿನ ತಮ್ಮ ಮನೆಯಲ್ಲಿ ಕಂಪ್ಯೂಟರ್ ಕಲರ್ ಪ್ರಿಂಟರ್ ಹಾಗು ಬಾಂಡ್ ಪೇಪರ್ ಬಳಸಿ ನಕಲಿ ಕರೆನ್ಸಿ ನೋಟುಗಳನ್ನು ಮುದ್ರಿಸುತ್ತಿದ್ದರು.  ಬಂಧಿತರಿಂದ 57 ಲಕ್ಷ ಮೌಲ್ಯದ ನಕಲಿ ನೋಟು, ಮುದ್ರಣ ಕಾಗದ, ಪ್ರಿಂಟರ್ ಇನ್ನಿತರೆ ಸಲಕರಣೆಗಳನ್ನು ಪೋಲೀಸರು ವಶಕ್ಕೆ ಪಡೆದಿದ್ದಾರೆ.

ಮಲಯಾಳಂ ನ ಹಲವು ಧಾರಾವಾಹಿಗಳಲ್ಲಿ ನಟಿಸಿರುವ ಸೂರ್ಯ ಸಸಿಕುಮಾರ್ (36), ಸೋದರಿ ಶ್ರುತಿ (29) ಹಾಗೂ ತಾಯಿ ರಮಾದೇವಿ (56) ಎಂದು ಗುರುತಿಸಲಾಗಿದೆ. 

ಡಿವೈಎಸ್ಪಿ ಎನ್.ಸಿ.ರಾಜ್ ಮೋಹನ್ ನೇತೃತ್ವದ ತಂಡ ಈ ಕಾರ್ಯಾಚರಣೆ ನಡೆಸಿದೆ.ಇದೇ ಪ್ರಕರಣಕ್ಕೆ ಸಂಬಂಧಿಸಿ ಪೋಲೀಸರಿಂದ ಭಾನುವಾರ ಬಂಧಿಸಲ್ಪಟ್ಟಿದ್ದ  ಕೃಷ್ಣಕುಮಾರ್ (46),, ಲಿಯೋ ಸ್ಯಾಮ್ (44), ಮತ್ತು ರವೀಂದ್ರನ್ (58)ಎಂಬವರು ನೀಡಿದ ಮಾಹಿತಿಯ ಆಧಾರದ ಮೇಲೆ ಈ ನಟನ ಬಂಧನವಾಗಿದೆ.