ಶ್ರೀನಗರ: ರಾಜಕಾರಣಿಯೊಬ್ಬರ ನಿವಾಸಕ್ಕೆ ಕಾವಲಿದ್ದ ಪೊಲೀಸ್ ಪೋಸ್ಟ್ ನಿಂದ 4 ರೈಫಲ್ ಗಳನ್ನು ಉಗ್ರರು ಹೊತ್ತೊಯ್ದಿರುವ ಘಟನೆ ಜಮ್ಮು-ಕಾಶ್ಮೀರದ ಶಾಪಿಯಾನ್ ನಲ್ಲಿ ನಡೆದಿದೆ.
"ಬೋನಾ ಬಜಾರ್ ನಲ್ಲಿರುವ ಮೊಹಮ್ಮದ್ ಶಫಿ ಬಾಂಡೇ ಅವರ ನಿವಾಸದ ಭದ್ರತೆಗೆ ನಿಯೋಜಿಸಲಾಗಿದ್ದ ಪೊಲೀಸರ ಪೋಸ್ಟ್ ನೊಳಗೆ ನುಗ್ಗಿದ ಭಯೋತ್ಪಾದಕರು 4 ಸರ್ವಿಸ್ ರೈಫಲ್ ಗಳನ್ನು ಹೊತ್ತೊಯ್ದಿದ್ದಾರೆ" ಎಂದು ಪೊಲೀಸ್ ಅಧಿಕಾರಿಗಳು ಹೇಳಿದ್ದಾರೆ. ಪ್ರಾಥಮಿಕ ಮಾಹಿತಿಯ ಪ್ರಕಾರ ಇದು ಹಿಜ್ಬುಲ್ ಮುಜಾಹಿದ್ದೀನ್ ಉಗ್ರ ಸಂಘಟನೆಯ ಕೃತ್ಯವಾಗಿದೆ ಎಂದು ಹೇಳಲಾಗುತ್ತಿದೆ. ಭಯೋತ್ಪಾದಕರಿಗಾಗಿ ಶೋಧ ಕಾರ್ಯಾಚರಣೆ ನಡೆಯುತ್ತಿದೆ.